TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ८६

ओवीगीते - संग्रह ८६

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

आले ग तेलफळ हिरवी साडी शकुनाची

वरती जोडी बांगडयांची ठेवीयली ।

नेसली हिरवी साडी गौरीहारापाशीं चला

मायलेकी ओटी भरा पाच जणी ।

वाजंत्री वाजती चला घाणा भरायाला

मग देवकाला बोलाविती ।

आधी मूळ धाडा घुंगराची गाडी

घाल जोडीचे वर्‍हाडी गणराज ।

आधी मूळ धाडा चिपळून गावा

परशराम देवा आमंत्रण ।

देवदेवकाला बसली मातापीता

आहेर करा आतां म्हणताती ।

पुण्याहवाचन देवतांची केली पूजा

आधीं गणराजा वंदीयेले ।

नेले रुखवत वाजत गाजत

आली मुरडत करवली ।

आणिले रुखवत अगणित ते प्रकार

लाडू, जिलब्या घीवर मांडीयेले ।

वाढीले रुखवत रांगोळ्यांचा थाट

जांवयाचा पाट चंदनाचा ।

जांवई बैसले सासुबाई चला तुम्ही

तुपाची आपोषणी घालावया ।

काजळाचे बोट लाविती गालाला

दृष्ट नको पडायाला नवरदेवा ।

हजाराचा घोडा त्याला पन्नसाची झूल

वर बसणारा फूल दादाराया ।

नवरदेव आला दहीभात ग ओवाळा

पायावरी पाणी घाला दादारायाच्या ।

औक्षण केलें कुंकू लावूनी कपाळा

नारळ हातीं दिला हलव्याचा ।

हात धरुनियां आणिलें मांडवांत

चांगला मुहूर्त पाहूनिया ।

आधीं जेष्ट मान मोठया जांवयाला

मग कनिष्ठाला मधूपर्क ।

लग्नाच्या वेळेला नवरी कापे थरथरा

मामा येईतो धीर धरा दादाराया ।

दूर झाला अंतरपाट लागले लगीन

नेत्रांचे मीलन क्षणभर होई ।

आणिली लग्नसाडी ठेविली झांकून

बांधीती कंकण एकमेकां ।

झाले कन्यादान लेक झाली ग परकी

डोळ्याला गळती सखी लागतसे ।

लज्ज्या होमाच्या ग वेळी भाऊ कोठे गेला म्हणती

मानाची टोपी देती नानारायाला ।

सप्तपदीच्या ग वेळी अंगठा दाबते करवली

मानाची देवू केली साडीचोळी ।

सर्व सोहाळे जाहले राहिली वरात

चला विहीणी घरांत जेवावया ।

जेवणाचे आमंत्रण मोठयाच्या अक्षता

रांगोळी उदबत्या थाट केला ।

Translation - भाषांतर
N/A

References : N/A
Last Updated : 2007-12-09T20:25:18.5430000

Comments | अभिप्राय

Comments written here will be public after appropriate moderation.
Like us on Facebook to send us a private message.

अलीकडून

  • क्रिवि ह्या किंवा जवळच्या बाजूनें ; इथून . 
  • ( अमुक - मागील काळापासून ) आतांपावेतों ; अमुक काळापुढें . 
  • ad  From this side; hence. 
RANDOM WORD

Did you know?

Are the advertisements necessary on your pages?
Category : About us!
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.