TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह १४

ओवीगीते - संग्रह १४

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

बहिण सासर्‍याला जाते बंधु बसला वाटेवरी

आल्या गेल्याला विच्यारितो बहिणा गेलीया कुठवरी ।

बाळ सासर्‍याला जाते, दोघे बंधुजी दोहीकडे

मध्ये चांदणी तुझं घोडे ।

बाळ सासर्‍याला जाते रुसला मुराळी वाटेत

शिंगी सोडून बसला, लाडू ओटीचा वाटीत ।

आषाढ श्रावण दोन्ही महिने खडावाचे

पिता दौलत जया बाई दोन्ही दागिने जडावाचे ।

बंधुजी पाव्हणा यावा आंब्याच्या सुगींत

तूप वाढीन रसात ।

बंधुजी पाव्हणा माझ्या तुळशीला देतो तक्क्या

गुज बोलूया माझ्या सख्या ।

फाटली माझी चोळी देते ठिगाळ जायबंदी

शिंपी बयाच्या गावामंदी ।

मोकळा माझा हात, हात बंधूजी पाहिला

वैराळाचा नंदी त्यानं वाडयाला आणिला ।

सासुरवास ज्यानं करु नये त्यानं केला

माझी गुजर मायाभैन नाही शालूचा रंग गेला ।

सासरवसामधी नणंद कामिनी धाक भारी

कांता कारणं सोसणारी ।

सासूचा सासूरवास नंदा बायांनो उभी बसा

जीव रमेल माझा कसा ।

माय बापाच्या जीवावर लेकी खावावं साखर खोबरं

आपला मायबाप धनी कोटीचा जबर ।

माझ्या त्या एवढया बहिणी कशा गेल्यात देशोदेशी

त्यांची माझी भेट झाली गौरीच्या ग सणादिशी ।

जोवरी मायबाप लेकी येऊ द्या जाऊ द्या

आंब्यांची आंबराई एवढी बाळाला घेऊ द्या ।

जोवरी मायबाप लेकी माहेराची हवा

भाऊ भावजयांचं राज्य मग अम्मल आला नवा ।

म्हायार मला केलं केलं म्हायार ईरसर

लुगडं थोरल्या बंदुजीचं दुसर्‍या बंधूचा गळीसर ।

तिसर्‍या बंदूजीनं केला पैठणीवर खण

पिता दौलत माजा म्हनी झालं म्हायार मनहर ।

बया मालन माजी म्हनी जेव बाळाई पोटभर

चुलती मालन माजी म्हनं भेट बाळाई आमाबर ।

भावजा गुजरी म्हनयीती मोत्या पवळ्यानं ओटी भरा

भैना मालन म्हनयीती राकडी केवडा भांग भरा ।

चुलता पंडित म्हनयीती बाळ आवर लवकर

सावल्या आल्यात जोत्यावर ।

भाचबाळ म्हनयीती बस लौकरी घोडयावर

आडव आल्याती भरतार रथ सुटला शिवेवर ।

Translation - भाषांतर
N/A

References : N/A
Last Updated : 2007-12-09T20:22:37.5400000

Comments | अभिप्राय

Comments written here will be public after appropriate moderation.
Like us on Facebook to send us a private message.

indian

  • सा. भारतीय 
RANDOM WORD

Did you know?

I'm not able to locate this Mahakurma PuraNa vAkhya
Category : Hindu - Literature
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.