TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ५७

ओवीगीते - संग्रह ५७

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


माहेर

काय सांगू बाई - मह्या माहेरचा ठसा

भावा आधी बोले भासा - आत्याबाई खाली बसा ।

पिकल्या पानाची - पोटारी झाली रिती

बापाजीची भैन - आत्याबाई आली व्हती ।

सेताच्या बांधाला - कोण घेते मेळवण

बापाजीची भैन - आत्याबाई गवळण ।

कुरूळ्या केसाची - मला नाही ये णी येत

सुगरण तुझी आत ।

देसाई महादेव - मायबाई ग पार्वती

भाई राजस ग माझे - पुढे नंदी शोभा देती ।

हरळीची मुळी - जमीनीला सदासुखी

भाऊ राजसा रे माझ्या - तशी तुझी देशमुखी ।

समस्त सोयरा - ढवळ्या ऊसाचा पाचट

पाठीचा बंधव - नाही करणीला हटत ।

गावोगावचे पाटील - हायेत मगरमस्त

भाई राजस ग महे - पंडित जबरदस्त ।

रस्त्यानं चालले - पंडित डौलत

बंधु देखल्यानं - मव्हं काळीज खुलतं ।

चार भाऊ मव्हे - दगडाच्या चार भिंती

नाना या बख्याला - चवकटीला तेज किती ।

बहीण भावंड - एका भाकरीचा काला

तुहा मव्हा जल्म - एका समिंद्रात झाला ।

पुतळ्याची माळ - काढून ठुली ग खुंटीला

पाठीचा भाऊ मव्हा - नवा ताईत गाठीला ।

वडील भाऊ मव्हा - सर्व्या वाडयाचा नाईक

भाऊच्या ग मह्या - गळां सोन्याचे ताईत ।

बांगडया भरीते - बाई पिवळ्या ताराच्या

बंधवाच्या मह्या - बहिणी मन्सबदाराच्या ।

साळीच्या भाताची - वाफ चाळली दुहेरी

भाऊची ग मह्या - टांगेवाल्याची न्याहारी ।

मशीला मेळवण - खडीसाखरेचे खडे

कानी चवकडे - दादा महे दूध काढे ।

बारा बयलाची - कशी असामी नेटकी

भाऊनं ग मह्या - बैल सोडिले बाटकी ।

झाली साई सांज - दिवा वसरी बाईला

रंगीला दादा मव्हा - सोडी वासरं गाईला ।

मारोतीच्या देवळात - कोण सांगतो पुराण

भाऊचा ग मह्या - गळा सारंगी परमानं ।

दुकानाच्या पुढे - कंदील जळती ग दोन

बंधु दयाळाच्या - दुकानी कारकून ।

पिकल्या पानाचा - ईडा कचेरी जायाचा

पाठीचा मव्हा बंधु - नवा वकील व्हायाचा ।

आईबापाच्या पोटी - पुत्र जल्मला सोनं

बंधु दयाळाचं - बहु मर्जीचं बोलणं ।

सांगून धाडिते - मह्या माणिक मोत्याला

भाऊचं बसणं - पाठ लाऊन जोत्याला ।

बारा हे ग बैल - तेराव्वं आहे घोडं

भाऊ बंधवाला माझ्या - भारी संपत्तीचं येड ।

घोडयाचा बसणार - सेताला गेला पायी

भाऊ बंधवाला मह्या - संपत्तीचा गर्व नाही ।

Translation - भाषांतर
N/A

References : N/A
Last Updated : 2007-12-09T20:24:09.4630000

Comments | अभिप्राय

Comments written here will be public after appropriate moderation.
Like us on Facebook to send us a private message.

गुरगुडी

  • गुडगुडी पहा . आधीं लागे सवय बिडिची मागुनी गुर्गुडीची । - अर्वाचीन ३८८ . 
  • f  A hubble-bubble. 
RANDOM WORD

Did you know?

मानवाच्या मनांत शुभ अशुभ विचार चालू असतांत, अशा क्रियेला काय म्हणतात?
Category : Hindu - Philosophy
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.