TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ८५

ओवीगीते - संग्रह ८५

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

जाईन माहेरी बसेन बाजेवरी

विसावा आपुल्या घरी मायेबाई ।

बीजेचा ग चांद घाली पहातो ग साद

ओवाळी गुण गात भाऊरायाचे ।

आम्ही तिघी बहिणी नांदू तिन्ही गावी

धाडावी खुशाली भाऊराया ।

माहेरींचा देव तुझा माझा एक

लावूं नंदादीप ताईमाई ।

घाल घाल पिंगा वार्‍या माझ्या परसांत

माहेरी जा सुवासाची कर बरसात ।

सुखी आहे पोर सांगा आईच्या कानांत

आई भाऊसाठी परी मन खंतावतं ।

विसरली का ग ? भादव्यांत वर्स झालं

माहेरींच्या सुखाला ग मन माझं आंचवलं ।

कपिलेच्या दुधावर मऊ दाट साय

माया माझ्यावर दाट जशी तुझी माय ।

आले भरुन डोळे पुन्हा गळा दाटला

माऊलीच्या भेटीसाठी जीव व्याकुळला ।

सोळा वर्षे झाली पूर्ण धाक पडतो आईला

नवरा शोधायाला लागतसे ।

हुशार जांवई मला हवासा वाटतो

पैसा मिळवतो लाखावरी ।

मुलगा पाहू जाती काय पहाता घरदार

आहे नवरत्‍नांचा हार दादाराया ।

मुलगा पाहू जाती काय सांगू त्याचा झोंक

लाखामध्यें एक दादाराया ।

माझी बाळी ग नाजूक जशी चमेलीची कळी

पण आहे ग सावळी मनुताई ।

नवरी पसंत हुंडयाचा काय बेत

कुजबूज ती घरात चालतसे ।

हुंडयाची अडचण तुम्ही घालावे दागिने

करणी करणे सोपें वाटे ।

मुहूर्त ठरला व्याही भोजनाला चला

मान मिळतो आईला एकदांच ।

जनांत आनंद हुरहूर मनांत

कशी दाखवूं लोकांत संकोचाने ।

मनुताई माझी बावरी कां झाली

डोळ्यांत करुणा आली वाटतसे ।

सीमांत पूजन सीमेवरी चला

आणूं जांवयाला मांडवांत ।

सासरा पाय धुवी सासुबाई पाणी घाला

पोशाख जांवयाला देऊं केला ।

विहीणीचा मान काय सांगू देणें घेणें

शालू शेले सोनें नाणें देऊं केलें ।

करवली ग रुसली तिला हवा मोठा मान

लाडकी बहीण दादारायाची ।

गुळाची गोड ढेप ठेविली पुढती

हलवा देऊनी भेटती बहिणी बहिणी ।

वाड्‌`निश्चय करायला व्याही आले मांडवांत

अश्रु आले नयनांत माऊलीच्या ।

Translation - भाषांतर
N/A

References : N/A
Last Updated : 2007-12-09T20:25:16.2400000

Comments | अभिप्राय

Comments written here will be public after appropriate moderation.
Like us on Facebook to send us a private message.

अजापुत्र

  • m  A lamb, a kid. 
  • A kid or a lamb, esp. a kid. Ex. खाटिकाचे करीं अ0 आहे ॥ कसाबाची गाय वांचे कैसी ॥ 
  • अजापुत्रं बलिं दद्यात् To spare the strong and sacrifice the weak. The weak always go to the wall. 
RANDOM WORD

Did you know?

How to make essay about Hindu culture
Category : About us!
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,490
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,863
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.