TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ५५

ओवीगीते - संग्रह ५५

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

किती वाट पाहू माझ्या बंधूच्या गाडीची

सावली कलली माझ्या काचाच्या माडीची ।

बहिण भांवडांचं भांडण काही नाही

एका ताटात जेवू घाला तुम्ही मायबाई ।

बहिण भांवडांचं भांडण रानीवनी

भाऊ निकरट बहिणीच्या डोया पाणी ।

भाऊही बोलला बहीणीले घेतो घटी

बोलली भावजय शिवा चोई लावा वाटी ।

भावुला बोलला बहीणीले नान्हा धुना

बोलली भायजय पाण्याची खेप आणा ।

दिवाळीच्या दिशि माझ्या ताटामधी मोती

ओवायाले जाते राण्या भावजयचे पती ।

दिवायीच्या दिशी माया ताटामधी सोनं

ओवायाले जाते भावु माहे कारकून ।

दिवायीच्या दिशी माझ्या ताटामधी मोर

ओवायाले जाते राण्या भावजयचे देर ।

राजे भावजयी राग करु नको माझा

कळीवर घेऊन पति वागवला तुझा ।

माहा बोलणीचा भावजयले राग आला

नेनता तुझा पति खांदी करी वागवला ।

दुरुन वयखीन गाडी बैयलाची चाल

नंदावाची माया शालु धुरकर्‍याची लाल ।

बहिणीच्या घरी भाऊ गेले समयानं

गर्दी केली उन्हायानं शेले भिजले घामानं ।

बहिणीच्या गावा जाता भाऊ मुराई थाटला

दगडाची वाट जोडा रेशमी फाटला ।

बहिणीच्या गावा जाता आहे येशीमंधी वाघ

पाटचा भाऊ माझ्या बहीणीसाठी जानं भाग ।

बहिणी सार केल्या भावु पाठमोरा झाला

तोडाले ल्याले शेला सखा गव्हीवरी दाटला ।

बहिणीच्या भावा, जात कोण्या गावा

संबोरच्या हयावा अनुटाव माझ्या गावा ।

बहिणीच्या भावा कंबर बांधली

जीभ नाही पानी तीथं शेवळी खंदली ।

वाट पाहु दोन डोये झाले कुंकावानी

एवढी तुमची माया काहुन झाले लोकावानी ।

सभीतुन जाईन माहा आळवा पदर

बन्दवाची माया, माझ्या वाघाची नजर ।

Translation - भाषांतर
N/A

References : N/A
Last Updated : 2007-12-09T20:24:04.5670000

Comments | अभिप्राय

Comments written here will be public after appropriate moderation.
Like us on Facebook to send us a private message.

आमने - सामने

  • ना./वि. देखत , प्रत्यक्ष , समक्ष , समोरासमोर . 
RANDOM WORD

Did you know?

प्रासंगिक पूजा म्हणजे काय? त्या कोणकोणत्या?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 644,289
  • Total Pages: 46,537
  • Hindi Pages: 4,555
  • Dictionaries: 44
  • Words in Dictionary: 302,181
  • Marathi Pages: 27,517
  • Tags: 2,685
  • English Pages: 234
  • Sanskrit Pages: 14,230
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.