TransLiteral Foundation
मराठी मुख्य सूची|मराठी साहित्य|लोकगीते|ओवी गीते : इतर|
संग्रह ९

ओवीगीते - संग्रह ९

सासर-माहेरविषयींच्या कल्पना ओवी गीतांतून गाऊन सामान्य स्त्रियांनी असामान्य जग उभे केले आहे.


ओवीगीते

माझ्या ग माहेरी मळ्यात लावला भुंडा ऊस

पिता माझा तो दौलत आल्या गेल्याला पाजी रस ।

माझ्या माहेरी ऊसाची ऊस सरी पानमळ्याची पायरी

पित्या माझ्याच्या जिवावरी दुनिया दिसती दुहेरी ।

माहेरी ग गेली मळ्यात आंबाडा लुकलूक

माय लेकींची शीण एक ।

माय माहेरी विचारी डोळं कशाच्या जिनसाचं

झाड डोंगरी फनसाचं ।

माहेरी ग गेली, डोळं लागलं असं कसम

माय मोजूनी धरी मासं ।

माझ्या ग माहेरी, पुढच्या सोप्याला हुती दाटी

माझ्या बंधूजीच्या कलेक्टर येती भेटी ।

माहेरी ग गेले म्हणू माझं लक्ष कुणीकडं

ताईता बंधूजीच्या हिरीकडं, चाफा चंदन दुईकडं ।

माझ्या ग माहेराचं, छत्री खाईन कोन येतं

बयाचं माझ्या बाळ, हिरा माणिक ढाळ देतो ।

माहेरी गेली, बंधूजी घेतो चोळी भावज गुजर विनी दोरा

बंधूच्या जिवावरी काय चांदनी तुझा तोरा ।

माहेर करता, उंच दुकानी जाऊ नका चोळी उगाक घेऊ नका

नंदा दिल्यात्या थोर लेका ।

माहेरा करता, पिता शिष्याच्या दुकानी भोळा राजा

उंच घडीला हात माझा ।

माहेर केलं, सया इचारित्या चोळी लुगडं भराचं

माझ्या ग बंधूजीचं नाव हाय हंबीराचं ।

सासर्‍याला जाती, गाडी भरली किराण्यानं

माझी तू लाडीबाई बंधू लुटीला इलाजानं ।

सासर्‍याला जाती घोडं लागलं चढणीला

हाक मारिती गडणीला, चोळी राहिली वळणीला ।

माझ्या ग माहेरी पाताळ वाळतं परसदारी

पिता माझ्या त्या दौलताला नाव शोभतं कारभारी ।

माहेर केलं म्हणू पातळाची घडी तळहाताएवढी

पिता माझ्या त्या दौलताची हावस मनाची केवढी ।

वैराळ भरी चुडा या ग बायांनो कालाकिता

पिता माझ्याच्या जिवावरी राजवरकीची काय कथा ।

वैराळ भरी चुडा तुला मोलाची काय चिंता

ताईता बंधू माझा धनी जामीन दिला होता ।

सासरी जाय कन्या, माता इच्यारी का ग लेकी आवघड

शेजी त्या बोलत्याती बाया तुझं मन किती भाबडं ।

माहेर गावाच्या पारावरी, सभा कशाला जमली

हावशा बंधूजींनी हिरव्या शालूसाठी बनारसी तार केली ।

Translation - भाषांतर
N/A

References : N/A
Last Updated : 2007-12-09T20:22:27.9370000

Comments | अभिप्राय

Comments written here will be public after appropriate moderation.
Like us on Facebook to send us a private message.

फटविणें

  • To trick, deceive, gull, impose upon. 
  • v t  To trick, deceive, gull. 
RANDOM WORD

Did you know?

मृत व्यक्तिचे वेगवेगळ्या धर्मात वेगवेगळ्या दिवशी संस्कार कसे काय?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,108
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 326,018
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.