डोरल्याचा साज वर सराला नाही जागा
कंत हावशा मना जोगा ।
डोरल्याचा साज वर सराला जागा नाही
कंताच्या जिवावर वाट पाण्याची ठावं नाही ।
म्हायारची वाट मला दिसली सपाट
बयाचा माझ्या बाळ मला दिसतो पोपट ।
दुरुन दिसतं माझं माहेर सुंदर
दरवाज्याच्या तोंडी रामसीताचं मंदीर ।
दुरुन दिसतं माझं माहेर नेटकं
दरवाज्याच्या तोंडी रामसीताची बैठक ।
साखळ्याचा पाय पडला चिखलात
माझ्या ग बापाजींनी मला दिली गोकूळात ।
साकळ्याचा पाय पडला सावलीत
माझ्या ग बापाजींनी मला दिली म्हाऊलीत ।
साकळयाचा पाय हळूं टाकावा मालनी
कंत वळखितो चालनी ।
बंदूजी पावना मला आल्याला ठावं नाही
शेला वलनी झोकं खाई ।
बंदूजी पावना मला आल्याला कसं कळं
दारी लिंबाचा रस गळ ।
शेजी तू आईबाई दे ग उसनं वेलदोडं
बंदूजीची माज्या बाई उभी मोटार वाडयापुढं ।
शेजी तू आईबाई दे ग उसन्या मला कळ्या
बंदूंसंगं मैतबीराच्या होळ्या ।
शेजी तू आई बाई दे ग उसनी मला सोजी
बया पावनी आली माजी ।
पावना आला म्हणूं बया मालनीचा भाऊ
मामा उपाशी नका जाऊं देते तांदळा एक घावूं ।
बसाई बसकर सोप्यां टाकिती चांदबा
बस बयाच्या बंदवा ।
समोरल्या सोप्यां ज्यान टाकिती आकडयाचं
बंदूजीचं येनं अवचित फाकडयाचं ।
बसाई बसकर जेन टाकिती बारा तेरा
बंदूराया माजा लाल गादीचा धनी न्यारा ।
भैना सासर्‍याला जाती दोघ बंदूजी दुईकडं
माझे तू भैनाबाई मंधी चांदणी तुझं घोडं ।
बंधूजी पावईना जाऊ गुजरी तुझा माझा
बंधू हौशाच्या भोजनाला भात पुलावा करुं ताजा ।
बंधूजी पावईना काय करूं मी चवीदार
बंधू हौशाचा जेवनाला करती जिलेबी सुकमार ।