महापद्मप्रवेशवर्णनम्

बृहदश्व उवाच ।
तथा स राजा धर्मात्मा सपौरहयकुंजर ॥११५३॥
सार्थिमंत्रिचयो गत्वा स्वपुराद्योजनत्रयम्‍ ।
पश्चिमेन तदा चक्रे नगरं सुमनोहरम्‍ ॥११५४॥
विष्वगश्वपुरे नाम यदेतद्भुवि विश्रुतम्‍ ।
तन्नोवास सुखी राजा ब्राह्मणान्‍ परिपूजयन्‍ ॥११५५॥
नगरं प्लावयामास महापद्मो भुजंगम: ।
तत्रास्ते सपरीवार: सुखी भुजगसत्तम: ॥११५६॥
महापद्मसरस्तच योजनायामविस्तरम्‍ ।
सुपुण्यम रमणीयं च सतां हृदयनन्दनम्‍ ॥११५७॥
महापद्मप्रभावेन दुष्टग्राहविवर्जितम्‍ ।
तत्रास्ते स सुखी नाग: कुटुम्बपरिवारित: ॥११५८॥
महापद्मसरस्यास्ते कथित: संभवो मया ।
किमन्यत्तव राजेन्द्र कथयामि वदस्व तत्‍ ॥११५९॥
इति श्री नीलमते महापद्मप्रवेशवर्णनम्‍ ।