TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
संस्कृत सूची|संस्कृत साहित्य|पुराण|मल्लपुराणम् ।|नीलमतपुराणम् ।|
वितस्ता विशोका संगम वर्णनम्

वितस्ता विशोका संगम वर्णनम्

नीलमत पुराण अंदाजे सहाव्या ते आठव्या शतकातील ग्रंथ आहे, यात कश्मीरमधील इतिहास, भूगोल, धर्म आणि लोकगाथांबद्दल विपुल माहीती आहे.


वितस्ता विशोका संगम वर्णनम्
बृहदश्व उवाच ।
स तस्या वचनं श्रुत्वा प्रययौ भगवान्‍ किय ।
गोविन्द माराधयितुं श्वेतव्दीपं विहायसा ॥३६१॥
संप्राप्य तत्र गोविन्दं प्रणम्य विधिवन्मुनि: ॥
पार्वत्युक्तं वचस्तस्मै यथावत्सर्वमूचिवान्‍ ॥३६२॥
सभाजयित्वा स मुनिं भगवान्‍ गरुडध्वज: ।
उवाच परया प्रीत्या मुनिं विस्मापयन्‍ हरि: ॥३६३॥
प्रीतोऽस्मि परमर्षे ते यथेच्छा ते प्रवर्तते ।
तथा करोमि भद्रं ते प्रीतोऽस्मि तपसा तव ॥३६४॥
इत्युक्त्वा भगवान्विष्णुस्तं मुनिं परया मुदा ।
आसन्नगां रमाम प्राह गच्छ त्वं देवि मा चिरम्‍ ॥३६५॥
केशवेनैवमुक्ता तु लक्ष्मी शोकसमन्विता ।
उवाच वाक्यं प्रथमं गता तत्र सती विभो ॥३६६॥
पश्चान्मम गताया: सा ध्रुवं नाम हरिष्यति ।
एवं सशोका विज्ञाय कश्यपम्त्वध्रवीत्पुज: ॥३६७॥
त्वमेव परमा शक्तिर्बहुभिर्मन्त्रिभिस्तुता ।
क्षीरोदकन्ये विरजे पवित्रे मडंलास्पदे ॥३६८॥
त्वमेव देवि कश्मीरा त्वमेवोमा प्रकीर्तिता ।
त्वमेव सर्वदेवीनाम मूर्तिभिर्देवि संस्थिता ॥३६९॥
ने त्वया सदृशी काचिदिह देवि नमोस्तुते ॥३७०॥
प्रसीद मातर्जगदेकलक्षिम प्रसीद देवेशि जगन्निवासे ।
प्रसीद नारायणि शंकरेशि प्रसीद पद्मे कमलांकिते मे ॥३७१॥
वैतस्तमम्भस्तव तोयमिश्रं पीयूपयुक्रं मधु चास्ति मात: ।
स्रातस्त्वदम्भस्यापि पापमग्रा: सद्योविमुक्ता विमलीभवन्ति ॥३७२॥
एवं स्तुताऽसौ मुनिना विशोका समपद्यत ।
चिन्तयामास वरदा भर्तृवाक्यं ध्रुवं मया ॥३७३॥
कर्तव्यं मुनिवाक्यं च किं विचारेण मे पुन: ।
नदी भूत्व च कश्मीरान्‍ गच्छन्ती वाक्यमब्रवीत्‍ ॥३७४॥
पुन स्तामृषिवर्योऽसौ प्रणिपातपुरस्सराम्‍ ।
व्रज शीघ्रं यावदिह त्वत्प्रतीक्षा सती स्थिता ॥३७५॥
यावत्सा प्रथमं देशं न पावयति सुन्दरि ।
तावत्पावय्तु येन तव नाम भविष्यति ॥३७६॥
तस्य तव्दचनं श्रुत्वा विशोका समपद्यत ।
तस्माव्दिशोकेति नदी सततं कथ्यते जनै: ॥३७७॥
आगतां तां च कश्मीरान्सत्यैर्दिव्यै निवेदयत्‍ ।
महात्माऽसौ मुनिवरो हर्षसंपूर्णमानस: ॥३७८॥
लक्ष्म्या विचेष्टितं श्रुत्वा सती च बहु विस्तरम्‍ ।
दृष्टा मार्गेण चोत्तस्थौ धौम्याश्रमसमीपत: ॥३७९॥
श्राखुर्बिलेन शून्यत्वाव्दिशोका चाप्यनन्तरम्‍ ।
आजगाम वितस्तां च ददर्श पुरत: स्थिताम्‍ ॥३८०॥
दृष्टा वितस्तां गतमत्सरासा जगाम योगं च तया विशोका ।
पूर्वागता तत्र तदा वितस्ता जग्राह नाम स्वमत: क्षितीश ॥३८१॥
इति नीलमते वितस्ता विशोका संगम वर्णनम्‍ ॥

Translation - भाषांतर
N/A

References : N/A
Last Updated : 2018-01-08T18:57:53.3300000

Comments | अभिप्राय

Comments written here will be public after appropriate moderation.
Like us on Facebook to send us a private message.

तेघवां

  • ad  (Poetry.) Then. 
RANDOM WORD

Did you know?

मी ह्या साईट साठी काही करू शकते काय
Category : About us!
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.