कश्मीरबासे जननिवासवर्णनम्

बृहदश्व उवाच ।
नीलोक्तं वचनं कुर्यन्‍ तत: प्रभृति वै जन: ।
उवास सततं दृष्टा: कश्मीरेषु कृतालय: ॥४७६॥
कृत्वा पुराणि ग्रामांश्च तीर्थान्यायतनानि च ।
गृहानि च विचित्राणि चकार वसतिं जन: ॥४७७॥
तदा प्रभृति देशेऽस्मिन्‍ स्वल्पं निपतति हिमम्‍ ।
जनाश्च नीलवाक्यानि पालयन्तोऽनिशं मुदा ॥४७८॥
ऊषुश्च सततं प्रीता: षाण्मासिकज्वरोज्झिता: ।
इति श्री नीलमते कश्मीरबासे जननिवासवर्णनम्‍ ।