मराठी मुख्य सूची|मराठी साहित्य|गाणी व कविता|मध्वमुनीश्वरांची कविता| पदे ४१ ते ५० मध्वमुनीश्वरांची कविता गणपतीचीं पदें पद १ ते १० पद ११ ते २० पद २१ ते ३० पद ३१ ते ४० पद ४१ ते ५० पद ५१ ते ६० पद ६१ ते ७० पद ७१ ते ८० पद ८१ ते ९० पद ९१ ते १०० पद १०१ ते ११० पद १११ ते १२४ १ ते ३ पदे १ ते १० पदे ११ ते २० पदे २१ ते ३० पदे ३१ ते ४० पदे ४१ ते ५० पदे ५१ ते ६० पदे ६१ ते ७० पदे ७१ ते ८० पदे ८१ ते ९० पदे ९१ ते १०० पदे १०१ ते ११० पदे १११ ते १२० पदे १२१ ते १३२ पदे १ ते १० पदे ११ ते १९ पदे १ ते ५ पदे १ ते २ परशुरामाचे पद पदे १ ते ५ पदे १ ते ६ पदे १ ते ७ पदे १ ते ११ पदे १ ते १० पदे ११ ते २० पदे २१ ते ३० पदे ३१ ते ४६ पदे १ ते ३ पदे १ ते १० पदे ११ ते २० पदे २१ ते ३० पदे ३१ ते ४० पदे ४१ ते ५० पदे ५१ ते ६० पदे ६१ ते ७० पदे ७१ ते ८० पदे ८१ ते ९० पदे ९१ ते १०० पदे १०१ ते ११० पदे १११ ते १२० पदे १२१ ते १३० पदे १३१ ते १४० पदे १४१ ते १५० पदे १५१ ते १६० पदे १६१ ते १७० पदे १७१ ते १८० पदे १८१ ते १८८ पदे १ ते १० पदे ११ ते १७ श्लोक १ ला अभंग २ रा अभंग ३ रा अभंग ४ था अभंग ५ वा आरती गणपतीची आरती विठ्ठलाची आरती पांडुरंगाची आरती रामाची आरती मारुतीची आरती कृष्णाची आरती खंडेरायाची आरती नरहरीची आरती नृसिंहाची आरती मोहनीराची आरती मोहनीराजाची आरती देवीची आरती जगदंबेची आरती ललितादेवीची आरती भागीरथीची आरती गुरूची पदे १ ते १० पदे ११ ते २० पदे २१ ते २८ पदे १ ते १० पदे ११ ते २० पदे २१ ते ३० पद ३१ वें पत्रिका भागीरथी ३२ वीं पदे ३३ ते ३८ स्फुट पदें - पदे ४१ ते ५० मध्वमुनीश्वरांची कविता Tags : kavitamadhvamunipoemकविताकाव्यमध्वमुनी पदे ४१ ते ५० Translation - भाषांतर अभंग ४१ वातुका योगियांचा राजा । तोचि जिवलग माझा ॥१॥त्याचे ठायीं माझा भाव । पूर्ण विश्रांतीचा ठाव ॥२॥न मनी आणिकांचें मत्त । येथें विश्वासलें चित्त ॥३॥मध्वनाथाचें बहुत । करुनि दाखवितो हित ॥४॥अभंग ४२ वानामदेवाचा अवतार । तुका माझा निर्विकार ॥१॥म्हणवी संतशिरोमणि । जाला कैवल्याचा धणी ॥२॥बहुतां जनांचा उद्धार । येवढा केला उपकार ॥३॥मध्वनाथाचें माहेर । पूर्ण विश्रांतीचें घर ॥४॥अभंग ४३ वाभक्तिसोपान चालतां । निजमुक्ति येईल हातां ॥१॥ज्ञान जालियाचें फळ । चिंती निवृत्ति केवळ ॥२॥देव सोपान सोपान । संतीं सांगितलें जाण ॥३॥चांगदेवाची हे खुण । नामदेव हा सगुण ॥४॥ज्ञानदेव तो निर्गुण । मध्वनाथीं परिपूर्ण ॥५॥अभंग ४४ वापांडुरंगे विठाबाई । तूं चांगदेवो विठाबाई ॥१॥सोपानदेवो विठाबाई । नामदेवो विठाबाई ॥२॥ज्ञानदेवो विठाबाई । निवृत्तिदेवो विठाबाई ॥३॥भेटवी मजला मुक्ताबाई । मध्वमुनीश्वर लागे पायीं ॥४॥अभंग ४५ वाकांहीं केल्या जाण । उगें न राहे तें श्वान ॥१॥देखुनी गजेंद्राचा छावा । मागें मागें घेतें धांवा ॥२॥त्याचें रूप देखुनि भारी । आपल्या ठायीं हा कामारी ॥३॥मध्वनाथाच्या समोर । येतां दुःख पावे थोर ॥४॥पद ४६ वें॥ध्रु०॥हरि नारायण रे । अहर्निशीं करी पारायण रे ॥१॥करिसी व्रत तीर्थें । श्रीहरिनामाविण व्यर्थें ॥२॥कीर्तनीं श्रीरंगा । आरती नोवाळी गंगा ॥३॥मुख्य उमापति रे । आनंदें वाटी खिरापती रे ॥४॥आळवी सुस्वर रे । सांगतसे मध्वमुनीश्वर रे ॥५॥पद ४७ वें चिंता सर्वांची हरिला । दुश्चित कां रे उगला ॥ध्रु०॥पक्ष्यांपदरीं संचित कैचें । चारा पुरवी त्यांला ॥१॥दर्द्र पाषाणाचें पोटीं । तेथें जीववी त्याला ॥२॥सिंहाला बहु आहार म्हणोनि । कुंजर निरवी त्याला ॥३॥मध्वमुनीश्वर म्हणतो तुजला । नुपेक्षी कवणाला ॥४॥पद ४८ वें नमनी ऐसें दैवत मी । नेउनि घाली सदैव तमीं ॥१॥नेणती साधक शटक समादी । लतकिच लाविति चरम समाधि ॥२॥जळचर भूचर खेचर ते । खाती केवळ खेचर ते ॥३॥पीती पाजिति येकसरा । खाद्यें तोडिती येक सरा ॥४॥भोगिती शयनीं नयी तरणी । कैसे तरतील वैतरणी ॥५॥चित्तीं धरुनी कामरति । मांगिणिसाठीं कां मरती ॥६॥रजस्वलेचा नाहीं विटाळ । बोधी गुरु परि तोहि खट्याळ ॥७॥मुक्तचि म्हणती पंचमकार । जाणावे ते प्रपंची मकार ॥८॥रात्रीं घालिती गोंधळ ते । भ्रष्ट ब्राह्मण वोंगळ ते ॥९॥म्हणती या रे घ्या कवळा । चुंबुनि परकीया कवळा ॥१०॥वैष्णव कंटक मूर्ख पशु । रगडावे ते जैसि पिसूं ॥११॥येवढा जेथें दीर्घ द्वेष । ब्राह्मण्याची हानि विशेष ॥१२॥उपासनेचें छेदुनि मूळ । वैराग्याची केली धूळ ॥१३॥आगीवरते पडतें तेल । करपत मुक्तिवल्ली वेल ॥१४॥भैरव चक्री शंकरजात । देखुनि तेथुनि शंकर जात ॥१५॥सीसा फोडुनि तीर्थांचा । कारण जो कीं अनर्थांचा ॥१६॥मध्वमुनीश्वर शाकग्राम । जाळुनि पूजी शाळिग्राम ॥१७॥पद ४९ वें पढोनि आगम निगम । नेणें आपला उगम । धरणीसंगम । तंत्रवादीं निपुण ॥१॥करी भैरवीचें चक्र । सज्जनासि सदा वक्र । जैसा सागरांत नक्र । बुडवी जनासि आपण ॥२॥जाणे जारण मारण । जीवहत्या निष्कारण । ऐसें ज्याचें आचरण । त्याची मळीण खूण ॥३॥ऐसे आगमी ते जाण । सर्व शास्त्रीं अप्रमाण । त्यांचे मर्दितसे प्राण । मध्वनाथ सगुण ॥४॥पद ५० वें घनाक्षरी ( वैयाकरणी ) पढोन व्याकरणशास्त्र । साधूं लागे शब्दमात्र । प्रत्यय पाहुनी अवघ्या रात्र । सभेमध्यें खसूची ॥१॥ऐसा व्याकरणी धिंग । जाणे स्त्रीलिंग पुल्लिंग । नपुंसकी नेणें संग । धातुपाळी अशुची ॥२॥त्याचा न चुके गर्भवास । दुःख भोगी नवमास । काय घोकुनी समास । तत्पुरुषीं अरुची ॥३॥वाची कौमुदीक इट । कळला सिद्धांत शेवट । मध्वनाथासि उद्भट । न करी सेवा गुरूची ॥४॥ N/A References : N/A Last Updated : May 28, 2017 Comments | अभिप्राय Comments written here will be public after appropriate moderation. Like us on Facebook to send us a private message. TOP