मराठी मुख्य सूची|मराठी साहित्य|गाणी व कविता|मध्वमुनीश्वरांची कविता| पद ११ ते २० मध्वमुनीश्वरांची कविता गणपतीचीं पदें पद १ ते १० पद ११ ते २० पद २१ ते ३० पद ३१ ते ४० पद ४१ ते ५० पद ५१ ते ६० पद ६१ ते ७० पद ७१ ते ८० पद ८१ ते ९० पद ९१ ते १०० पद १०१ ते ११० पद १११ ते १२४ १ ते ३ पदे १ ते १० पदे ११ ते २० पदे २१ ते ३० पदे ३१ ते ४० पदे ४१ ते ५० पदे ५१ ते ६० पदे ६१ ते ७० पदे ७१ ते ८० पदे ८१ ते ९० पदे ९१ ते १०० पदे १०१ ते ११० पदे १११ ते १२० पदे १२१ ते १३२ पदे १ ते १० पदे ११ ते १९ पदे १ ते ५ पदे १ ते २ परशुरामाचे पद पदे १ ते ५ पदे १ ते ६ पदे १ ते ७ पदे १ ते ११ पदे १ ते १० पदे ११ ते २० पदे २१ ते ३० पदे ३१ ते ४६ पदे १ ते ३ पदे १ ते १० पदे ११ ते २० पदे २१ ते ३० पदे ३१ ते ४० पदे ४१ ते ५० पदे ५१ ते ६० पदे ६१ ते ७० पदे ७१ ते ८० पदे ८१ ते ९० पदे ९१ ते १०० पदे १०१ ते ११० पदे १११ ते १२० पदे १२१ ते १३० पदे १३१ ते १४० पदे १४१ ते १५० पदे १५१ ते १६० पदे १६१ ते १७० पदे १७१ ते १८० पदे १८१ ते १८८ पदे १ ते १० पदे ११ ते १७ श्लोक १ ला अभंग २ रा अभंग ३ रा अभंग ४ था अभंग ५ वा आरती गणपतीची आरती विठ्ठलाची आरती पांडुरंगाची आरती रामाची आरती मारुतीची आरती कृष्णाची आरती खंडेरायाची आरती नरहरीची आरती नृसिंहाची आरती मोहनीराची आरती मोहनीराजाची आरती देवीची आरती जगदंबेची आरती ललितादेवीची आरती भागीरथीची आरती गुरूची पदे १ ते १० पदे ११ ते २० पदे २१ ते २८ पदे १ ते १० पदे ११ ते २० पदे २१ ते ३० पद ३१ वें पत्रिका भागीरथी ३२ वीं पदे ३३ ते ३८ श्रीरामाचीं पदें - पद ११ ते २० भारत इतिहास - संशोधक - मंडळ - पुरस्कृत - ग्रंथ - माला Tags : kavitamadhvamunipoemकविताकाव्यमध्वमुनी पद ११ ते २० Translation - भाषांतर ११ पदमाझं अचडें बचडें छकदें वो ॥ध्रु०॥ करकमलानें उचलुनी परवडी । दशरथ चुंबी मुखदें वो ॥१॥आंगणीं रांगत मंजुळ बोलत । शिव पदकीचें ठिकदें वो ॥२॥मध्वमुनीश्वर स्वामीस म्हणतो । माझें सोन्याचें तें तुकडें वो ॥३॥१२ पद रामाची बाळलीलाब्रह्मविशोक तूं रोदन सांडी । बाळा पद्मनाभा कौतुक मांडी ॥ धन्य सुईन ते नाळ जे खांडी रे । राघोबा आवडी माझी वेडी ॥ हेचि कौसल्येची असोसी फेडी रे ॥१॥तुज मोगरेल लावुनी न्हाणी । वर घालितें उन्होणि पाणी । देतें आशीर्वाद पंकजपाणी ॥रे राघोबा॥२॥तुझे रूपाचें स्वरूप ध्यावें । तुज अनंगासी न्हाणुनी भावें । घुगर्या वाटुनी ठेविलें नांव ॥रे राघोबा॥३॥ शेषशयनावरी शोभे उंसी । ब्रह्मा जन्मला तुझिये कुसीं । त्या तुझें बाळांत्यानें जावळ पुसी ॥रे राघोबा॥४॥दोन्ही चुरचुरां चोखिसी मुष्टी । तुज उधाळुनी पाजितें घुटी । गरळा न गिळितां हाणे वोष्टपुष्टीं ॥रे राघोबा॥५॥तुझी संध्याकाळीं उतरितां दिठी । जिवाशिवासी पडते मिठी । नीज पाळण्यांत टाळिया पिटी ॥रे राघोबा॥६॥क्षीरसागरीं रमसी अहर्निशीं । दुग्ध कपिलेचें सिंपीभरि पिशी । निज साउलीस देखुनि भिसी ॥रे राघोबा॥७॥ब्रह्म त्रिभुवनव्यापक तूंचि । तुझीं चंद्रसूर्यास न कळे उंची । त्या तुज लेववितें पेहरण कुंची ॥रे राघोबा॥८॥नखें आरक्त माणिकाची सात । वदनीं झळकती हिरकण्या दांत । ध्यातो मध्वनात हृदयाआंत ॥रे राघोबा॥९॥तुझ्या वदना भाळला इंदु । काजळ लेववुनी भाळीं लावी बिंदु । झणीं दिठी लागे करुणासिंधु ॥रे राघोबा॥१०॥देतें कालवुनी साकरेची फेणी । जावळ विंचरुनी घालितें वेणी । परोपरीचीं लेववितें लेणीं ॥रे राघोबा॥११॥जरीटोपीस पिंपळपान । वरी मोतियाची जाली जाण । बाळया लेववितें टोंचुनि कान ॥रे राघोबा॥१२॥जीवती वाघनखें रुळती माळे । चरणीं वाजती वांकी वाळे । भिंती धरुनी फेगडे चाले ॥रे राघोबा ॥१३॥करीं बिंदलीं मनगट्या । माजी कडदोर्यासी बांधितें पेट्या । विश्वजनकासी म्हणतें बेट्या ॥रे राघोबा॥१४॥गोड बोबडें मंजुळ बोले । रूप पाहतां निवती डोळे । ध्येय योगियांचें बाजवरी लोळे ॥रे राघोबा॥१५॥बोल बोलसी मंजुळवाणे । तुझें हांसण राजसवाणें । तुझ्या कडदोर्याची देतसे वाणा ॥रे राघोबा॥१६॥करितां अवगुण मारीन छड्या । जन्मुनि देवांच्या तोडिल्या बेड्या । त्या तुज सर्वज्ञास म्हणतें वेड्या ॥रे राघोबा॥१७॥जरीफडकीं पांघरवून । निज कडेवरी तुज घेऊन । घेतें प्रातःकाळीं अंगणांत ऊन ॥रे राघोबा॥१८॥जाणे मध्वनाथ अनुभवसुखा । वेद वाणितां होतसे मुका । त्या तुझ्या सोगाईचा घेतसे मुका ॥रे राघोबा ॥१९॥१३ पदराजीवनेत्रारे । रामा राजीवनेत्रारे ॥ध्रु०॥मंदस्मितमुखपंकज राजसा । कोमलगात्रारे ॥१॥दशशतरतिपति मोहनरूपा । सज्जनमित्रारे ॥२॥मध्वमुनीश्वर गाइ चरित्रा । पावनमंत्रारे ॥३॥१४ पदयेथें बैस कावकावायेथें बैस चींवचींव ॥ राळा खाउनी पाणी पीउनि भुरकर उडून जाईल जीव ॥ध्रु०॥सद्गुरुचरणामृत सेवी । धणीवरी बोधामृत जेवी । भावें शरण जाउनी त्यांच्या चरणांवरि मस्तक ठेवी ॥१॥येथें नाहीं ऊन हींव । चित्तवृत्ति तेथें नीव । दारोदारीं उष्ट्यासाठीं व्यर्थची मुखीं भाकिसी कीव ॥२॥कल्पवृक्ष सदाशिव । त्याच्या मोक्षफळा शीव । मध्वमुनीश्वर दाखवितो निरवधि आनंदाची शीव ॥३॥१५ पद लवती सालया वाजवी तूं टाळया । सरोवरीं पाणी पीती मोरे प्रातःकाळीं या ॥ध्रु०॥पिंजर्यांत आलियां पराधीन जालियां । दूधभात जेऊनीयां देती ढेंकर धालीयां ॥१॥सोहं सोहं बोलती सोलींव दाणा सोलिती । परमहंस शुकादिक दोहीं पक्षीं डोलती ॥२॥मध्वनाथीं खेलती मुक्ताफळें झेलिती । चकोर चक्रवाकें बदकें उदकावरी लोळती ॥३॥१६ पदरत्नजडित सिंहासनीं । राम देखिला नयनीं ॥१॥पाहतां श्रीरामाचें मुख । उनें समाधीचें सुख ॥२॥नलगे आणिक साधन । रामनामें समाधान ॥३॥मध्वनाथाच्या दर्शनें । भवबंधन निरसणें ॥४॥१७ पदजय जय रघुकुळभूप ॥ध्रु०॥ तव भजनीं जे विन्मुख त्यांना । बुडवी भवजलकूप ॥१॥ज्या तुजसाठीं विरजा होमीं । जाळिती यति तिळतूप ॥२॥सनकादिक तुज पूजिती हृदयीं । जाळुनि मीपणधूप ॥३॥मध्वमुनींश्वर म्हणतो माझें । दैवत तें चिद्रूप ॥४॥१८ पदजानकीजीवनराम ॥ध्रु०॥दशरथनंदन दशमुखकंदन । दशशतमुखनुतनाम ॥१॥सज्जनरंजन दुर्जनगंजन । पूरितनिजजनकाम ॥२॥नटवर नागर करुणासागर । मदनमनोहर वाम ॥३॥कनकधनुर्धर दीनजनोद्धर । सुंदर जलधरशाम ॥४॥तोषितत्रिंबक दूषितचुंबक । सुललितचंपकदाम ॥५॥मध्वमुनीश्वरवरदपरात्पर । श्रमहरसुखकरधाम ॥६॥१९ पद सावळा सकुमार ज्याचें राजस लावण्य । सूर्यवंशीं भूषण हृदयीं विलसे कारुण्य ॥ जटामुगुटमंडित शरीरीं वैराग्य तारुण्य । जानकेसमवेत ज्यानें सेविलें आरण्य ॥१॥जनस्थानीं गंगातटीं बसउनी पंचवटी । मुनिजनदुःखदायक ऐसे राक्षस निवटी ॥ कोदंड घेउनि लागे हरिणाचे पाठीं । येक्याबानें मारिला तो जानकीच्यासाठीं ॥२॥ज्याच्या नामस्मरणें जदजीव उद्धरती । तो हा वश केला जिहीं धन्य ते भावार्थी ॥ दक्षिणभागीं लक्ष्मण उभा मध्यें दाशरथीं । मध्वनाथ तिघांजणा वोवाळी आरती ॥३॥२० पदसगुणस्वरूप ज्याचें लावण्य अमूप । रत्नजडित सिंहासनीं अयोध्येचा भूप ॥ वामभागीं जगन्माता जानकी सुखरूप । कपिकटकाचा नायक हनुमंत समीप ॥१॥भरतशत्रुघ्न बंधु उहा पार्श्वभागीं । छत्रचामरें वीजना वारिती रामलागीं ॥ सुग्रीवादिक वानरसेना राघवीं अनुरागी । ऐसें ध्यान उमटतें साधकाच्या अंगीं ॥२॥शतकोटीचें बीज तो हा कौसल्येचा ताना । ब्रह्मादिक देव ज्याला आणिताती ध्याना ॥ सनकादिक योगियांला देतो जो वरदाना । मध्वनाथीं निजदासां प्रसन्न तो जाणा ॥३॥ N/A References : N/A Last Updated : May 21, 2017 Comments | अभिप्राय Comments written here will be public after appropriate moderation. Like us on Facebook to send us a private message. TOP