आरती जगदंबेची

दुर्गे दुर्गतिनाशिनि भर्गप्रियचरिते । सर्गस्थितिलयकारिणि दूरीकृतदुरिते । निसर्गसदये ललिते मंगळगुणभरिते । भार्गवजननी स्वर्गतिदायिनि सुखसरिते ॥१॥
जयदेवी जयदेवी जयजय श्रीकमळे । नीराजनमुररीकुरु माहेश्वरि विमळे ॥ध्रु०॥
नारायणि वरदायिनि निगमप्रतिपाद्ये । भजंति निपुणा त्वामिह हृदयांबुजमध्ये । श्रीविद्ये निरवद्ये परमेश्वरि हृद्ये । आद्ये साधनसाध्ये त्रिदिवेशाराध्ये ॥जय०॥२॥
हिमगिरिबाले हिमकरशकलांकितभाले । हिमकरशेखरदयिते भुवनत्रयपाले । मामव मायाजाले निर्जितकलिकाले । शरणांगतजनलालनरसिके सुविलाले ॥जय०॥३॥
दंभविनाशिनि शांभवि मध्यांबुजनयने । हृदयांबुजसंभवविनुते क्षीरांबुधिशयने । शुंभनिशुंभविमर्दिनि विंध्याचलसदने । मध्वमुनीश्वरवरदे मधुकैटभकदने ॥जय०॥४॥