TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|रामजोशी|
मृगजळवत जग हे उध्दवलें...

रामजोशी - मृगजळवत जग हे उध्दवलें...

रामजोशांनी लिहिलेली कविता मोठी मधुर, अर्थसंपन्न व प्रासअनुप्रासांची पैंजणे घालून ठुमकणारी अशी आहे. शृंगारपर, उपदेशपर व देवदैवतविषयक अशा अनेक प्रकारच्या लावण्या रामजोशांनी लिहिल्या.


रामजोशी

मृगजळवत जग हे उध्दवलें हें जाण सर्व माया ।

देखत भूल हें समजून कां भुलशिल वाया ॥ध्रु०॥

हो सावध हो सावध मूर्खा भुलुनि नको जाऊं ।

मदांध होऊनि परस्त्रियांची मुखें नको पाहू ॥

मी कोण कुटिल हा शोध करी पामरा ।

हा विवेक चित्ती कांहीं ठसू द्या जरा ।

विषयास भुलुनि करशिल नाना तर्‍हा ।

विकल पडुन हें क्षणात जाईल बुदबुदवत काया ।

देखत भूल हें समजुन कां भुलशिल वाया ॥१॥

कोणी नव्हे कुणाचें हा तूं विचार करी चित्तीं ।

अकस्मात यम घाला घालिल मग फ़सशिल अंतीं ।

चित्रगुप्त यमदूत सभेप्रति येऊन तुज पापें ।

पुसतील जेव्हां काळरुपि ते मग होईल फ़ें फ़ें ।

मग स्मरेल तुज हें त्या वेळेस सांगणें ।

मग देवही न करी आठवितां धावणें ।

मग नाहीं फ़ळ वांचुनिया धिक धिक जिणें ।

काम क्रोधादिक षड्रिपु तुज बसले फ़सवाया ।

देखत भूल हें समजुन कां भुलशिल वाया ॥२॥

नाना योनी फ़िरता प्रभूला तुझी करुणा आली ।

तारावयाला यांतुनि तुजला नरकाया दिधली ।

याला विसरुन विषयी गुंतून वर्तशी उफ़राटा ।

याच गुणें प्रभू कोपून देईल नरतनुला फ़ांटा ।

ही पुनरपि नरतनु तुजला न मिळे कदा ।

मग नाना योनीं भ्रमत असावें सदा ।

चिरकाल तयांतिल भोगावी आपदा ।

भव सांडुनि अग्निस्पर्शे उडती वरति जशा लाह्या ।

देखत भूल हें समजुन कां भुलशिल वाया । ॥३॥

जो जगदीश्वर पतितपावन शरण तया जावें ।

आशाकामादिकां अगोदर सोडुनिया यावें ।

मूर्खपणा तूं मनीं मानशिल जगदीश्वर पैसा ।

जन्ममरणसंबंधी भवाब्धि तो तारिल कैसा ।

या अशा रीतीनें करशील आपुली धुळी ।

बा स्वार्थास्तव सत्संगा धरावा मुळीं ।

तू निशिदिनिं वदनी वद शिव नामावळी ।

कविराय तुला सांगतसे हें की भजोनि हरिपायां

देखत भूल हें समजुन कां भुलशिल वाया ॥४॥

Translation - भाषांतर
N/A

References : N/A
Last Updated : 2010-02-20T04:35:35.9070000

Comments | अभिप्राय

Comments written here will be public after appropriate moderation.
Like us on Facebook to send us a private message.

mental disease

  • मानसिक रोग 
  • मानसिक आजार 
RANDOM WORD

Did you know?

सौभाग्यवती स्त्रियांनी कुंकू का लावावे ?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.