रंग सांवळा सांवळा गडे अंगी । फ़िरस्ता किती हो बेढंगी ॥ध्रु०॥
वेणूच्या रवें,रवें ह्रद्य फ़ोडी । वदाव्या किति याच्या खोडी ।
कोवळ्या मुली मुली पाहून ओढी । गोवळ्यास जळो ही गोडी ।
हार कंठींचा झटून तोडी । मुलीच्या वर करतो कुरघोडी ।
आज होरीच्या शिरे रंगीं । अशाच्या बसुं नये असलंगी ।
रंग सावळा ॥१॥
नंद चांगला भला गाई । तशाला सुत असा काई ।
धुंद मातला कठिण बाई । खराबा किती याच्या पाई ।
फ़ंद पहातो करुन घाई । वळाव्या याणें गोकुळीं गाई ॥
नित्य भोंवरा जसा जंगी । रांड जातिच्या फ़िरे संगी ।
रंग सावळा ॥२॥
यादवामध्यें असा नव्हता । कुठून जन्मला आम्हाभवता ।
आमुच्या मुळिं बसला पुरता । कुळाला मेला बुडविता ।
नष्ट पाहिला न या परता । भला तो अबरुला भीता ।
वाट मी मला आलिंगी । कळा कविरायी श्रीरंगी ॥
रंग सावळा ॥३॥