TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|रामजोशी|
मूल तुझा अति अनिवार य...

रामजोशी - मूल तुझा अति अनिवार य...

रामजोशांनी लिहिलेली कविता मोठी मधुर, अर्थसंपन्न व प्रासअनुप्रासांची पैंजणे घालून ठुमकणारी अशी आहे. शृंगारपर, उपदेशपर व देवदैवतविषयक अशा अनेक प्रकारच्या लावण्या रामजोशांनी लिहिल्या.


रामजोशी

मूल तुझा अति अनिवार यशोदे ॥ध्रु०॥

चावट निशिदिनीं घरघर फ़िरतो ॥

रात्र न म्हणे दिवा मुलगिस धरतो ॥

गोरस जळो परिं भलतेच करितो ॥

आम्ही पर युवती हा कुच कसे चुरतो ।

नग्न जळीं उभ्या वसनचि हरितो ॥

अधिंच अहिर - जात उणीगे ॥

त्यात तुझा बाळ गुणी गे ॥

यासम नसे शिरजोर कुणी गे ॥

हा झाला नगरांत धनी गे ॥

गोष्ट घडो सहसा न उणी गे ॥

खेळकरी सदनीं न वसोदे ॥ मूल तुझा ॥१॥

म्हणशील चिमणा गे बाळ आपुला ॥

चैन पडों नदे घडिभर वपुला ॥

मातविलें तुवा या कंस-रिपुला ॥

रजत न म्हणो याला हा बाई शिंपुला ॥

काय वदों याच्या खोडी हा चेवला ॥

रीत तुझ्या नगरांत अशी गे ॥

राहिल ती राहणार कशी गे ॥

बोलेल हा बहु गोड तुशीं गे ॥

धन्य तुझी सकळात कुशी गे ॥

ज्यांत असा निपजे बनशी गे ॥

गोड तुझें तुजलागिं दिसोंदे ॥ मूल तुझा ॥२॥

गोकुळ नगरी हा सारिच विटवी ॥

सांडुनि दहिदुध खाऊनि लुटवी ॥

कुंजवनीं आल्या गरतिस फ़टवी ॥

निजल्या मुलिला चिमटुन उठवी ॥

यास न शिशुपणी लागली सटवी ॥

यांत कशी पड्णार पुरी गे ॥

सोशिल हे झट कां दुसरी गे ॥

काय अशी नित्य धुम बरी गे ॥

धीट मला म्हणतो नवरी गे ॥

आम्ही लटक्या बाई तूंच खरी गे ॥

सांग तुशीं कविराय रुसो दे ॥ मूल तुझा ॥३॥

Translation - भाषांतर
N/A

References : N/A
Last Updated : 2010-02-17T01:53:17.4470000

Comments | अभिप्राय

Comments written here will be public after appropriate moderation.
Like us on Facebook to send us a private message.

उंच देशावर, तुफानें वरचेवर

  • उंच प्रदेशावरच वारा फार जोराने वाहतो 
  • थोर लोकांसच अनेकांकडून उपद्रव होतो. मोठ्या लोकांच्याच मागे उपाधि फार असतात. 
RANDOM WORD

Did you know?

वास्तुशास्त्र पाहणे कितपत विश्वासार्ह आहे? त्याचे परिणाम जाणवतात काय?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.