कोण्याग सुभगाची मदनमंजरी ।
सांग सखे सुंदरी ॥ध्रु०॥
इच्या सौंदर्याची सीमा । झाली गडे रतिहुनि अति उत्तमा ।
पाहुनिया मुखचंद्रमा । सखे गडे अमा गमति पौर्णिमा ।
काय अधराची रक्तिमा । लाजवी नव कुंकुम विद्रुमा ।
अंगिं वसन जिच्या भर्जरी । कोण्याग सुभगाची ॥१॥
मज वाटली विद्युन्नटी । भलिग रुपाची उतरली भटी ।
उरिं कंचुकि घट तटतटी । टिळक लल्लाटी सुधारस घटी ।
पाहुनी कृशा तव कटी । हरीचा कृश कटिमद लटपटी ।
अशि - अनंत गुणगुर्जरी । कोण्याग सुभगाची ॥२॥
शिरी सुंदर नव मल्लिका । झटति वर मधुकर रस कौतुका ।
नयनाननखंजन रंजिका । मधुकर कंठात लाजवी पिका ।
अशि वर्णिल कोण सदलिका । इतर कवि कविरायाहुनि फ़िका ।
मज वाटतसे निर्जरी । कोण्याग सुभागाची मदनमंजरी ।
सांग सखे सुंदरी ॥३॥