जनार्दन स्वामींच्या ओव्या

जनार्दनाचा नित्यनेम । स्नानसंध्या अति उत्तम ।
तयावरी आवडी प्ररम । निजधर्म आचार ॥
सिद्धराज श्रीज्ञानदेव । ज्ञानेश्वरी अमृतानुभव ।
स्वानुभवें वदला अपूर्व । जनार्दना भाव त्या ग्रंथीं ॥

“जनार्दन एका विष्णुदास तुका । वैकुंठनायका आवडत ॥
जनार्दनाची कृपा दत्तात्रेयाचा प्रसाद । भागवत रामायण स्वात्मबोध ॥” --- निळोबा
“धन्य जनार्दन योग भक्ति ज्ञान । समाधीची खूण गिरिशैलीं ॥” --- अमृतराय
“जनार्दनस्वामी सदगुरुनाथ । सेवुनि परमार्थ साधियेला ॥” --- कृष्णदयार्णव
“शीएकाजनार्दन परमगुरु । स्वामीजनार्दन परमकल्पतरु ।” --- मुक्तेश्वर
“पंतजनार्दन भोला । राज्यीं यवनाच्यांही वसला ।
मध्वमुनीश्वर चेला । पाहुनि लोकीं हंसला ॥” --- मध्वमुनीश्वर
“देवगिरी जब मानपुरी रहे । छंद जनार्दन भायो ॥” --- मानपुरी
“जनार्दन बसवंत करुनियां तेणें” ॥ --- तुकाराम
“एकोपंत जनार्दनपंतांचें भजनही असीम करी ॥” --- मोरोपंत
“सद्भानुवंशीं कुलदीप योगी । जनार्दनाचें निजसौख्य भोगी ॥” --- तुका विप्र

“पूर्णावतार गुणकार्य विलिस आंगें ।
मायामयारहित अद्वय वेद सांगे ॥
तोडील पाश भवजन्य कृपाप्रभावें ।
ध्यातां जनार्दन गुरु प्रभुवर्यभावें ॥”