प्रियवंता माझा प्रतिपाळ रे ॥ध्रु०॥
नको मला अंतर देऊ छेल छबेल्या रे ॥
विनविते म्हणवुन तुजला स्वरुपसजेल्या रे ॥
सुवासिक शेवंतिच्या प्रफुल्लित झेल्या रे ॥
घेतली अक्षई जपमाळ रे ॥१॥
नाही तुझ्या श्रीमंतीला भाळले राया रे ॥
घडोघडी धावत येते प्रीत कराया रे व
परोपरी पहाते पलंगी एकांती वराया रे ॥
ठेविते चरणी आता भाळ रे ॥२॥
फिरे जरी वरती सख्या घार उपाशी रे ॥
तरी तिचे लक्ष सारे लेकरांपाशी रे ॥
तसा घरी देह मन येथे जडले तूंपाशी रे ॥
परकीचा खोटा आला आळ रे ॥३॥
म्हणे गंगु हैबती उभयता जिवाला रे ॥
ऐकुन हर्ष झाला महादेवाला रे ॥
प्रभाकर कवनी रिझवी आपुल्या जिवाला रे ॥
संगीन ज्याचा सूर ताल रे ॥४॥