प्रियकरावाचुनि गे गेली सारी रात्र बाई ॥ध्रु०॥
कुठवर वाट सखे मज सांग काही ।
घडोघडी याद होते गृही पतिराज ॥
कसे करु प्राण जाता असा निष्ठुर पाही ।
पाहु कोठे कोणे ॥१॥
हवाशिर चांदण्याचा प्रियकर माघ महिना ।
खुशाल घातला ग अंगावर फार गहिना ॥
पहा मुखचंद्र माझा प्रकाशाचा थेट ऐना ।
जसी सुकुमार जाई ॥२॥
कोणी तरी शोध घेऊन सखा एकांतात गाठा ।
परोपरी आर्जउनी उचलुन घ्या ग ॥
मनातिल सर्व काढा उपडुनि किंतु काटा ।
ठिवा डोई ग पायी ॥३॥
म्हणे गंगु हैबती हो अशी कशी प्रीत तुमची ।
महादेव ख्याल करती विलायत थेट कमची ॥
म्हणे गुणीराज काहि तरी गोष्ट आमची ।
प्रभाकर ख्याल गाई ॥४॥