TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी पुस्तके|श्रीज्ञानेश्वरांची गाथा|
अभंग ५६६ ते ५७५

मुमुक्षूंस उपदेश - अभंग ५६६ ते ५७५

श्रीज्ञानेश्वर महाराजांची गाथा म्हणजे विठ्ठल प्राप्तीचा एक सोपा मार्ग. यात विठ्ठ्लाच्या सगुणनिर्गुण रूपाचे मोहक वर्णन केलेले आहे.


मुमुक्षूंस उपदेश

५६६

जिणें देउनि देहीं नि:शंक होईजे ।

मां मरणें तयासि म्हणिजे ॥१॥

जिणें तें काई मरणें तें काई ।

जिणें मरणें दोन्ही चोजवेना ॥२॥

सिंधु बुडबुडा क्षणामाजि आटे ।

सिंधु बुडबुडा कांहीं ते नाटे ॥३॥

बापरखुमादेविवराच्या पायीं ।

ज्ञानदेवो पाही मरण जाणें ॥४॥

५६७

सायखडियाचें बिक ।

अचेत परि करी पाक ।

जनदृष्टीचें कवतुक ।

स्फ़ुरे वेगीं ॥१॥

तैसें हें देहरुप जालें ।

न होतेंचि होणें आलें ।

तंव सदगुरु जाणितलें ।

येथींचें रया ॥२॥

सतधनि म्हणे गुरु ।

जत सांभाळी विवरु ।

ऐसेंनि तुज वोगरु ।

वाढिला ब्रह्मीं ॥३॥

निराकार अलिप्त वसे ।

शरीरीं असोनि तूं नसे ।

एकत्त्व मनोद्देशें ह्रदयीं ध्यायें ॥४॥

सोडी रसाची रससोये नको

भुलों माया मोहें ।

सत्रावी दोहतु जाये ।

जीवन भातें ॥५॥

ज्ञानदेव म्हणे श्रीगुरु ।

ऐसा सांगति विचारु ।

मग ब्रह्मीं चित्तानुसारु ।

निरोपिला सर्व ॥६॥

५६८

आप आपीं माये तेजी तेज समाये ।

पवनगे माये पृथ्वी जाये ॥१॥

हंस कोठें गेला तूं

पाहो विसरला ।

भ्रमेंचि भुलला कोई शब्दें ॥२॥

सांडी तू रे जाती होई रे विजाती ।

येणें रुपें समाप्ती प्रपंचाची ॥३॥

ज्ञानदेवा घर विठ्ठल आचार ।

वेगीं परंपार हंसपावे ॥४॥

५६९

अनंतीं अनंत तत्त्वता तंव एक ।

विरुळा जाणे एक बिंबताहे ॥१॥

एका तेजी बहु बहुतेज घृष्टी ।

एकतत्त्व सृष्टी मेळु शिवीं ॥२॥

तर्काचाही तर्क विवेक सकळ ।

तेणेंविण गोपाळ आकळेना ॥३॥

ज्ञानदेव म्हणे जाणे प्रसाद निवृत्ति ।

मौनाची मुक्ति वाट आहे ॥४॥

५७०

स्वभावें विचरतां महीं ।

सम ब्रह्म दिशा दाही ।

एकु एकला आस पाही ।

सर्वाघटीं बाईये वो ॥१॥

दुजें द्वैत हेतु सांडी ।

एकतत्त्वसार मांडी ।

हरिविण इये पिंडी नाहीं

वो माये ॥२॥

काय सांगो याच्या गोष्टी ।

अवघा दिसे हाचि सृष्टि ।

विश्वरुप किरीटी ।

अर्जुना दिठीं दावियलें ॥३॥

ज्ञानदेव दीप उघड ।

उजळुनी केलासे वाड ।

माय देवीं आम्हां नाही चाड ।

अवघा गोड हरि आमुचा ॥४॥

५७१

बाहिजु भीतरी भीतरलेपणा ऊरी ।

ऊरी ऊरैल साचारी जेणें निवविजे ॥

तेथचिया सारा मुसें मुसल्या आकारा ।

सोय सांडु नको येरझारा चुकतील ॥१॥

सहज भक्तिसुख पावसील ।

जाणु असतां काम नेणु होतासी ।

मागिली ये तुटी साठीं ।

लाभु ये खेपेचा मनुष्यपणाचेनि

मापें घेइजेसु रया ॥२॥

येकवटु वटवटाच्या पोटीं ।

बिजीं बिजा आंतवटु आपण पैं ।

तिहीं रजीं रजु सरे

सरोनियां जें उरे ।

तैसें एकसरां धुरें तूं अनुसरे पां ॥३॥

रविरश्मीचिया तेजा कवण

बैसविलिया वोजा ।

कैशा सांगताति गुजा सामवलेपणें ॥

जळीं तरंगु तैसा परमात्मा परमानंदु ।

ऐसा सांडूनि गोविंदु झणें

विलया जासी ॥४॥

जळें जळ पियींजे तेथें

काय उरे दुजें ।

ओघें ओघुचि गिळिजे बाप

सागरा पोटीं ॥

सिंधु नेणे अव्हांटा नदीचिया वाटा

तैसा करीलरे हरि सांठा

तुज आपणामाजी ॥५॥

तेथे जगचि परतलें जग

जगपणा मुकलें ।

मोहो अभावीं उरलें उरतां ठायीं ॥

तेथें सिंधुचि अवघा

अवघेपणें नये मागा ।

यापरी लागवेगी हरि पावसी रया ॥६॥

ऐसे सुखाचे सोहळे माजी

सुख प्रेमवोळे ।

कवण सुख बोले सुख

सुकाळे मातलें तें ॥

तेथें मीतूं सरे सेखीं

भक्त तोही नुरे ।

शिवीं शिव विरे मोहरे

जालया रया ॥७॥

अमृतीं अमृता गोडी बोल

बोलतां बोबडी ।

पुण्य मनोधर्मी गुढी

उभारिली जेणें ॥

अमरवोघाचेनि वोघे

आफ़ाविजे जिवलगें ।

बापरखुमादेविवरा

विठ्ठलांसंगें सांपडलें ॥८॥

५७२

दृष्टीचें सुख अंतरी देख ।

ओंकार अरुष बोलताती ॥१॥

नादुले ऐकसी बिंदुले ते देखसी

कोंदलें चौपासी सांवरेना ॥२॥

तें आतु न बाहेरी

आणि अभ्यंतरी ।

एकलेंचि निर्धारी वर्ततसे ॥३॥

उफ़राटिये दृष्टी निवृत्तीच्या

शेवटीं ज्ञानदेवा भेटी

होऊनि ठेली ॥४॥

५७३

सांगेन तें ऐक दाविन तें पाहे ।

या मनाचि मूळ सोय आठवी पां ॥१॥

आठवितां तूं तया ठकसिल कैसा ।

सांजवेळें लाहासि उदो कां जैसा ॥२॥

बुडोनिया राही आनंदसागरीं ।

आठवितां असें जन्मवरी रया ॥३॥

पडतासि दृष्टी निवृत्तीच्या चरणीं ।

ज्ञानदेवो मनीं धरुनि ठेला ॥४॥

५७४

जिता जिणें लागे गोड

परत्रि तें अवघड ।

आवघियाहुनि तनु

वाड मरण भलें ॥१॥

जिता मरिजे मरोनिया उरिजे ।

इतुजे जाणिजे तरि

जपणेचि नलगे ॥२॥

बापरखुमादेविवरा विठ्ठलाच्या

पायीं ।

ज्ञानदेव पाहीं मरण सांगे ॥३॥

५७५

देखणें देखाल तरी हरे मन ।

सामावलें जीवनमुक्तरत्न रया ॥१॥

भला भला तूं भलारे ज्ञाना ।

निवृत्ति आपणा दावियेलें ॥२॥

गुरुमुखें ज्ञान पाविजे निर्वाण ।

तें निवृत्ति म्हणे ज्ञाना पावसील ॥३॥

Translation - भाषांतर
N/A

References : N/A
Last Updated : 2010-02-28T21:54:19.9970000

Comments | अभिप्राय

Comments written here will be public after appropriate moderation.
Like us on Facebook to send us a private message.

गिल्ला

  • पु. १ ओरडाओरड ; गोंगाट ; गडबड ; गलबल . येथें कांहीं गिल्ला पडणार नाहीं . - मराचिथोरा ३० . २ तक्रार ; गार्‍हाणें ; फिर्याद ; निषेध ; नालिश ( क्रि० करणें ; सांगणें ; येणें ; पडणें ; होणें ). भटजीनीं नानाप्रकारें इकडील गिला दरबारांत लिहिला आहे . - ख २ . ३२५ . ३ हाकाटी ; नालस्ती ; निंदा . ( क्रि० सांगणें ). ४ रडगाणें ( प्रपंचादि संबंधीं ). याला जेव्हांतेव्हां संसाराचे गिल्ले लोकांपाशीं सांगावे अशी खोडच आहे . ५ दोष ; ठपका . या गोष्टीचा गिला आम्हांकडे नाहीं . - रा ७ ; खलप २ . ३३ . [ फा . गिला ] 
  • ०शिक्का पु. तक्रार ; कागाळी . न जाणों , पूर्वी खोजीमकुली खानांहीं गिल्ला शिक्काही आमचा काय लिहिला असेल . - रा ६ . ६०२ . [ गिला + शक्वा ] 
  • m  A complaint, representation or remonstrance against. 
  • v  कर, सांग, हो, पड. Abuse, reviling, exclaiming against. 
More meanings
RANDOM WORD

Did you know?

मंगळवारी येणार्‍या संकष्टी चतुर्थीस ‘ अंगारकी चतुर्थी ’ असे कां म्हणतात ?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.