TransLiteral Foundation
मराठी मुख्य सूची|मराठी पुस्तके|श्रीज्ञानेश्वरांची गाथा|
अभंग ४५८ ते ४६१

ढोंगी परमार्थ्यास उपदेश - अभंग ४५८ ते ४६१

श्रीज्ञानेश्वर महाराजांची गाथा म्हणजे विठ्ठल प्राप्तीचा एक सोपा मार्ग. यात विठ्ठ्लाच्या सगुणनिर्गुण रूपाचे मोहक वर्णन केलेले आहे.


ढोंगी परमार्थ्यास उपदेश

४५८

शरीर वरिवरि कां दंडिसि जंव

वारिलें न करी तुझें मन ।

जळीं नेत्र लाउनि टोकती अविंशा

लागोनि तैसें नको नको बकध्यान करुं ॥१॥

चित्त सुचित्त करी मन

सुचित्त करी ।

न धरी तूं विषयाची सोय ।

वनीं असोनी वनिता चिंतिसि तरि

तपचि वाउगें जाय रया ॥२॥

त्रिकाळ स्नान करिसी तीर्थजळीं

परि नवजाती मनींचे मळ ।

तुझियानि दोषें तीर्थ कुश्चित्त

जाले जैसी त्या रजकाची शीळ रया ॥३॥

आतां करिसी तरी चोखटची करी त्यासी

साक्ष तुझें तुज मन ।

लटिकेंन झकवसी तर्‍ही देव दूर्‍हा होसी

बापरखुमादेविवरा विठ्ठलाची आण ॥४॥

४५९

मतमांतांतरें रचूनियां ग्रंथु ज्ञानव्युत्पत्ति

जंव जाली नाहीं आत्मप्रतिती ।

ये सकळ विज्ञानें विषयासक्तीचेनि अनुमानें

तेणें केंवि तुटे संसृती ।

अंतरींचा स्फुलिंग जाज्वल्य जाणतां

कामक्रोधाचिया उपपत्ती ।

बाह्य दीक्षा उदंडी आणुनिया तेणें

केविं होय ब्रह्मप्राप्ती रया ॥१॥

सुटलेपणें करिसी विषय त्याग

तेणें अंतरीं होय अनुराग ।

परतोनि तरीच पावशी ब्रह्म भाग रया ॥२॥

आपुलेनि रुढपणें ग्रंथाचे विज्ञानें

संपदा मिरविती ज्ञातेपणें ।

अंतरी आशापाश विखार भरणें

जगीं संतता मिरवणें ।

येणें द्वारें म्हणसी मी वंद्य जगीं कीं

उपासनाद्वारें मुक्त होणें ।

पालट केलिया साठीं सिणो नको

बापा जेविं गधर्व नगरीं वस्ती करणें रया ॥३॥

यालागी दंभ दर्प सकळ प्रतिष्ठादि

भ्रांति धनदाराविषयासक्ती ।

ऐसा अहंममते ज्ञातेपणाचेनि अहंकारें

तेणें केविं होय आत्मप्राप्ती ।

जंव येणें देहें विनीतता शरण

गेला नाहीं संताप्रती ।

बापरखुमादेविवरु विठ्ठलु चिंतितां ।

सर्व सुखाची होय निजप्राप्ती रया ॥४॥

४६०

तोंडे जाले संन्यासु ।

भोगावरी धावें हव्यासु ॥१॥

ते नेणती ब्रह्मरसु ।

वायां होति कासाविसु ॥२॥

ब्रह्मकर्मानें साधु जाती ।

वायां चुकली तुझी भक्ति ॥३॥

सर्वत्र आपणचि म्हणती ।

अभक्ष्य भक्षण करिती ॥४॥

तोडी दंभ माया धंदा ।

शरण रिघे रे गोविंदा ॥५॥

चुकले विठ्ठला उदारा ।

बापरखुमादेविवरा ॥६॥

४६१

विटंबुनि काया दंड धरी करीं ।

हिंडे घराचारी नवल पाहे ।

असमाधानी विषयीं विव्हळ ।

तरी दंडु केवळ काजा काई ॥१॥

सिध्दचि असतां कां गा विटंबिसी ।

संन्यासी तूं जाण कैसा ॥२॥

निजाश्रमींच वास संकल्पासी त्यागी ।

सर्वस्वें वैरागी ।

तोचि तो संन्यासी ।

संगीं असंगता तोचि जाण संन्यासी ।

स्वरुप तयापाशीं जवळी आहे ॥३॥

बापरखुमादेविवरु उघडचि संन्यासी ।

तोचि पूर्ण भासीं भरला असे ।

निवृत्तिरायें खुणा दाखविला निरुता ।

तो जाणण्या परता सदोदितु ॥४॥

Translation - भाषांतर
N/A

References : N/A
Last Updated : 2010-02-28T21:29:17.0930000

Comments | अभिप्राय

Comments written here will be public after appropriate moderation.
Like us on Facebook to send us a private message.

commodity rate of interest

  • पण्य स्वरूप ब्याज दर 
RANDOM WORD

Did you know?

How do I become a moderator on QnA?
Category : About us!
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.