TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी पुस्तके|श्रीज्ञानेश्वरांची गाथा|
अभंग ३७० ते ३७१

गळति - अभंग ३७० ते ३७१

श्रीज्ञानेश्वर महाराजांची गाथा म्हणजे विठ्ठल प्राप्तीचा एक सोपा मार्ग. यात विठ्ठ्लाच्या सगुणनिर्गुण रूपाचे मोहक वर्णन केलेले आहे.


गळति

३७०

विदेह आत्मलिंगा गुरुकृपेचा तुषारु ।

पूर्णे पूर्ण भरिला घटु हळुहळु बिंदु उदारु ।

वरुषला लिंगावरि तेणें तुष्टला श्रीगुरु ।

प्रसन्न निवृत्तिराजा ज्ञान देउनि उदारु ॥१॥

यालागिं ज्ञानदेवो नाम गुरुकृपेनें पावलों ।

असतां इये देहीं संसारा हारपलों ।

ज्ञानविज्ञान कळो आलें अद्वैतरुप बुझालों ।

विठ्ठल नाम माझे वाचे तेणें वागपुष्प पावलों ॥२॥

नित्य गळति नामें जालीं गेला प्रपंच अनिवार ।

उपरती देहीं जाली निमाली वासना संसार ।

तपन जालें ब्रह्ममूर्ति दिननिशीं साचार ।

आठवितां मागिल भावो अवघा पारुषला उदारु ॥३॥

विज्ञानेंसि ज्ञान गेलें एकरुप परिचार ।

ज्योतिमाजि कळिका गेली एकदीप जाला आकार ।

वृत्ति ते निवृत्ति जाली माया मारुनि केलें घर ।

निवृत्ति गुरु माझा घट स्थापिला त्या समोर ॥४॥

ज्ञानदेवें घटमठ निरोपिली हरिभक्ति ।

उडाली पक्षपाती इंद्रिया तेथें नाहीं गती ।

विराले अभिमान ममता जाली समाप्ती ।

खुंटलिया उर्मी दाहि स्त्रपन जालें लिंगाप्रती ॥५॥

३७१

आदि आत्मा जोतिलिंगा लांबियेला घटु ।

स्थाविरिले मायावस्त्र ।

लिंगावरी प्रविष्ट ॥

तपन नाम ध्वनी ।

इंद्रिया केलें सपाटु ॥१॥

हळुहळु गळती गळे ।

गळों लागली सकळें ॥

उच्चारितां कृष्णनाम ।

भेणें पळिजे कळिकाळें ॥

त्रिगुण सुटल्या गांठी घटु विराला सघन ।

पंचतत्त्वें एके ठाई आत्मा नांदे परिपूर्ण ॥

जिवशिव हारपले एक दिसे चैतन्य ।

आत्माराम विदेहिया ॥

श्रीगुरुनें सांगीतली खुण ॥२॥

नरदेह अवचितें । जो साधकु होय नारायण ।

परमानंदें गळति गळे ।

पांचहि तत्त्वें हरपोन ॥३॥

निवृत्ति सखा माझा दीनदयाळ श्रीगुरु ।

आळंकापुरीं स्थापियेलें ॥

दिधला विठ्ठल उच्चारु ।

समाधि जीवन माझें वरी अजानवृक्षतरु ॥

जोंवरी चंद्रसूर्य तोंवरी कीर्तिघट स्थिरु ॥४॥

गाति वाति साधु मुनी छंद घट मठीं चित्त ।

विरेल देह बुध्दि ज्ञानदाता देईल उचित ॥

विज्ञानेंसी गोष्टी सांगे ऐसें पद पावत ।

बापरखुमादेविवरीं लांबविला घटु ज्ञानदेव सांगत ॥५॥

Translation - भाषांतर
N/A

References : N/A
Last Updated : 2010-02-25T21:59:25.2800000

Comments | अभिप्राय

Comments written here will be public after appropriate moderation.
Like us on Facebook to send us a private message.

ooffve

  • बोचक, क्षोभक 
RANDOM WORD

Did you know?

श्रीयंत्र स्थापना व मुहूर्त याबद्दल माहिती द्यावी.
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site