TransLiteral Foundation
मराठी मुख्य सूची|मराठी पुस्तके|श्रीज्ञानेश्वरांची गाथा|
अभंग ३७५ ते ३७६

आंधळा - अभंग ३७५ ते ३७६

श्रीज्ञानेश्वर महाराजांची गाथा म्हणजे विठ्ठल प्राप्तीचा एक सोपा मार्ग. यात विठ्ठ्लाच्या सगुणनिर्गुण रूपाचे मोहक वर्णन केलेले आहे.


आंधळा

३७५

पूर्वजन्मीं पाप केलें तें हें बहु विस्तारिलें ।

विषयसुख नाशिवंत सेवितां तिमिर कोंदलें ।

चौर्‍यांशी लक्ष योनी फ़िरतां दु:ख भोगिलें ।

ज्ञान दृष्टि हारपली दोन्ही नेत्र आंधळे ॥१॥

धर्म जागो सदैवांचा जे बा परउपकारी ।

आंधळ्या दृष्टि देतो त्यांचे नाम मी उच्चारीं ॥२॥

संसार दु:खमूळ चहुंकडे इंगळ ।

विश्रांति नाहीं कोठें रात्रंदिवस तळमळ ।

कामक्रोधलोभशुनीं पाठीं लागलीं वोढाळ ।

कवणा शरण जाऊं आतां दृष्टि देईल निर्मळ ॥३॥

मातापिता बंधु बहिणी कोणी न पवती निर्वाणीं ।

इष्टमित्रसज्जनसखें हे तों सुखाची मांडणी ।

एकला मी दु:ख भोगीं कुंभपाक जाचणी ।

तेथें कोणी सोडविना एका सदगुरुवाचुनी ॥४॥

साधुसंत मायबाप तिहीं दिलें कृपादान ।

पंढरीये यात्रे नेलें घडलें चंद्रभागे स्नान ।

पुंडलिकें वैद्यराजें पूर्वी साधिलें साधन ।

वैकुंठीचें मूळपीठ डोळां घातले तें अंजन ॥५॥

कृष्णांजन एकवेळा डोळां घालितां अढळ ।

तिमिरदु:ख गेलें तुटलें भ्रांतिपडळ ।

श्रीगुरु निवृत्तिराजें मार्ग दाविला सोज्वळ ।

बापरखुमा-देविवरुविठ्ठल

दिनाचा दयाळ ॥६॥

३७६

अंध पंगु दॄढ जालों मायापडळभ्रांती ।

कर चरण विव्हळ गेले तंव भेटलें निवृत्ती ।

ज्ञान मज उपदेशिलें नेलें अज्ञानक्षिती ।

वृक्ष एक तेथें होता त्या तळीं बैसविलें रीती ॥१॥

धर्म जागो निवृत्तीचा हरिनामें उत्सावो ।

कर्म धर्म लोपले माझें फ़िटला संदेहो ।

धर्म अर्थ काम पूर्ण दान मान समूह ।

नेघे मी इंद्रियवृत्ति रामकृष्णनामीं टाहो ॥२॥

कल्पना मावळली कल्पवृक्षाचे तळवटीं ।

चिंता हें हरपली माझी नित्य अमृताची वाटी ।

मन हें निमग्न झालें नित्य वसे वैकुंठी ।

तापत्रयें ताप गेलें नाना दोषाचे थाटी ॥३॥

अनंत हें मायामय लोपल्या जिवाचिया साठी ।

हरपल्या योनीमाळा चिंतामणीकसवटी ।
सिध्दि बुध्दि समरसल्या जीवशिव एकदाटी ।

आत्माराम मन जालें एकतत्त्व शेवटीं ॥४॥

आत्माराम निर्गमलें वेदशास्त्रगुह्य ज्ञानें ।

वासनेचि मोहजाळी ते विराली नाना स्थाने ।

फुटलें नाना घट तुटलीं नाना बंधनें ।

सुटल्या जीवग्रंथी ऐसें केलें त्या गुरुज्ञानें ॥५॥

मा मोक्ष हे ठेले मागें मुक्तिमार्ग निमला ।

वृत्ति हे बुडाली माझी निवृत्ति गळाळा पाजीला ।

सत्रावी वोळली बाळा आत्माराम दाता जाला ॥६॥

बुध्दि बोध संवगडे साजीव करचरण ।

नयनीं नयन जाले चक्षु मी समाधान ।

दिव्य देह अमृत कळा दशदिशा परिधान ।

सर्व हें ब्रह्म फ़ळद फ़ळलें विज्ञान ॥७॥

निवृत्ति गुरु माझा अंधपण फ़ेडिलें ॥

सर्वत्र दृष्टी जाली परतत्त्वीं राहिलों ।

निरसली माया मोहो श्रीराम अंजन लेईलों ।

ज्ञानदेवो ज्ञानगंगे निवृत्तिनें बुडविलों ॥८॥

Translation - भाषांतर
N/A

References : N/A
Last Updated : 2010-02-28T21:16:55.3570000

Comments | अभिप्राय

Comments written here will be public after appropriate moderation.
Like us on Facebook to send us a private message.

फराळ-फराळ केला म्हणजे जेवणाचें मातेरें आणि अंगवस्त्र ठेवलें म्हणजे बायकोचें मातेरें

  • जेवणाच्या पूर्वी कांहीं खाल्लें म्हणजे ज्याप्रमाणें भूक मरुन जेवण बरोबर जात नाहीं त्याप्रमाणें उपस्त्री ठेवल्यास स्वतःच्या पत्नीकडे दुर्लक्ष होतें. 
RANDOM WORD

Did you know?

उगवत्या सूर्याला नमस्कार, मावळत्या का नाही?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.