TransLiteral Foundation
मराठी मुख्य सूची|मराठी पुस्तके|श्रीज्ञानेश्वरांची गाथा|
अभंग ४५० ते ४५३

करुणापर - अभंग ४५० ते ४५३

श्रीज्ञानेश्वर महाराजांची गाथा म्हणजे विठ्ठल प्राप्तीचा एक सोपा मार्ग. यात विठ्ठ्लाच्या सगुणनिर्गुण रूपाचे मोहक वर्णन केलेले आहे.


करुणापर

४५०

मी माझें करुनि देह चालविसी वायां ।

आतां जेथींचा तेथें निमोनि जाय

ऐसें कीजे देवराया ॥१॥

जंव जंव गोड तंव तंव जाड ।

जाड गोड दोन्ही नको रया ॥२॥

त्रिगुणवोझें जडपण रचूनि लोटुनि देसी महापुरीं ।

आवर्त वळसा पडिलिया मग

तेथें कैची असे उरी रया ॥३॥

ऐसे लटिकेंचि गार्‍हाणें देवों मी किती ।

तुज नये काकुलती ।

बापरखुमादेविवरा विठ्ठला म्या

तुजमाजी घेतली सुति रया ॥४॥

४५१

परिमळाची धांव भ्रमर वोढी ।

तैसी तुझी गोडी लागो मज ॥१॥

अविट गे माय विटेना ।

जवळी आहे परि भेटेना ॥२॥

तृषा लागलीया जीवनातें वोढी ।

तुझी गोडी लागलिया जिवा ॥३॥

बापरखुमादेविवराविठ्ठलीं आवडी ।

गोडियेसि गोडी मिळोन गेली ॥४॥

४५२

रंगा येईवो ये रंगा येईवो ये ।

विठाई किठाई माझे कृष्णाई कान्हाई ॥१॥

वैकुंठनिवासिनी वो जगत्रयजननी ।

तुझा वेधु ये मनीं वो ॥२॥

कटीं कर विराजित ।

मुगुटरत्नजडित ।

पीतांबरु कासिया ।

तैसा येई कां धावत ॥३॥

विश्वरुपविश्वंभरे ।

कमळनयनें कमळाकरे वो ।

तुझे ध्यान लागो

बापरखुमादेविवरे वो ॥४॥

४५३

पडलें दूर देशीं मज आठवें मानसीं ।

नको नको हा वियोग

कष्ट होताती जिवासीं ॥१॥

दिनु तैसी रजनीं जालिगे माये ।

अवस्था लावूनी गेला

अझुनी कां नये ॥२॥

गरुडवाहनागंभिरा येईगा दातारा ।

बापरखुमादेविवरा श्रीविठ्ठला ॥३॥

Translation - भाषांतर
N/A

References : N/A
Last Updated : 2010-02-28T21:27:23.3800000

Comments | अभिप्राय

Comments written here will be public after appropriate moderation.
Like us on Facebook to send us a private message.

catalytic centre activity

  • उत्प्रेरक केंद्राची क्रियाशीलता 
RANDOM WORD

Did you know?

जुळी मुले झाली असतां शांति करावी काय?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site