मराठी मुख्य सूची|मराठी साहित्य|अभंग संग्रह आणि पदे|संत बहेणाबाईचे अभंग| ४०१ ते ४०७ संत बहेणाबाईचे अभंग १ ते १० ११ ते २० २१ ते २९ ३० ते ४० ४१ ते ५० ५१ ते ५४ ५५ ते ६० ६१ ते ७० ७१ ते ८० ८१ ते ९० ९१ ते १०० १०१ ते ११० १११ ते १२० १२१ ते १३० १३१ ते १४२ १४७ ते १६० १६१ ते १७० १७१ ते १८० १८१ ते १९४ १९६ ते २०० २०१ ते २१० २११ ते २२० २२१ ते २३० २३१ ते २४० २४१ ते २५० २५१ ते २६० २६१ ते २७० २७१ ते २८० २८१ ते २९० २९१ ते ३०१ ३०२ रे ३१० ३११ रे ३१८ ३१९ ते ३२६ ३२७ ते ३३७ ३२८ ते ३४४ ३४५ ते ३४९ ओव्या पद ३५३ ते ३६२ ३६३ ते ३६४ ३६५ ते ३७९ ३८० ते ३९० ३९१ ते ४०० ४०१ ते ४०७ ४०८ ते ४२० ४२१ ते ४२५ ४२६ ४२७ ४२८ ते ४२९ ४३० ते ४३३ ४३४ ते ४४५ ४४६ ते ४५५ ४५६ ते ४६९ ४७० ते ४८० ४८१ ते ४९० ४९१ ते ५०० ५०१ ते ५१० ५११ ते ५२० ५२१ ते ५३० ५३१ ते ५४४ आरती रामाची आत्मनिवेदन ५४७ ते ५६० ५६१ ते ५६९ संतवर्णनपर ५७१ ते ५७४ ५७५ ते ५८६ पंचतत्त्वांचा पाळणा ( जोगी ) फुगडी पिंगा झिंपा हमामा हुंबरी ५९६ ते ६०७ ६०८ ते ६१५ आरती श्रीभगवद्गीतेची आरती श्रीरामाची ( शेजारती ) ६१८ ते ६५० आरती चंद्राची आरती सद्गुरूची ६५१ ते ६९१ संतमहात्म्यपर संशोधनातून नवीन मिळालेले अप्रकाशित अभंग अभंग - ४०१ ते ४०७ संत बहेणाबाईचे अभंग Tags : abhang marathibahenabaiअभंगबहेनाबाईमराठी अभंग - ४०१ ते ४०७ Translation - भाषांतर ४०१. गुरुपरंपरा आम्हा चैतन्य बळी । तयाच्या स्मरणे आम्ही वैकुंठी बळी ॥१॥नमस्कार हा तया साष्टांग माझा । वोवाळू जीवे साधु चैतन्य - राजा ॥२॥चैतन्य हा सर्वगत व्यापकि गुरू । प्रगटला हा तुकाराम वेष दातारू ॥३॥तयाचे हे ध्यान सदा माझे अंतरी । अंतरीचे ध्यान सबाह्याभ्यांतरी ॥४॥नेणे स्नान दान जप आसन मुद्रा । सदा सर्वकाळ ध्याऊ चैतन्य पदा ॥५॥बहेणि म्हणे आम्ही मुक्त गुरूचे ध्याने । प्रेमे भक्ति - भावे तया वोवाळू प्राणे ॥६॥४०२. ब्रह्माडं पंढरी हे आजी जाली खरी । मुखी नाम घेता हे हरिहरी ॥१॥सुख सुखावले कोणा सांगू गे माये । जिकडे पाहे तिकडे हरि भरला आहे ॥२॥सरली भ्रांति हारपला देहभाव । महदामहद नुरे जेथे ठावाठाव ॥३॥गेले मीपण हारपला भावाभाव । बहेणि म्हणे देखियेला पंढरीचा राव ॥४॥४०३. जन्मोनिया जोडी जोडिली संसारी । सापडली तीरी चंद्रभागे ॥१॥घनःश्याम मूर्ति सावळी डोळस । उभी सावकाश विटेवरी ॥२॥नामरूपातीत चैतन्य शाश्वत । आत्मस्वरूपस्थित प्रगटली ॥३॥वेदा अगोचर श्रुतीहूनी पर । निर्गुण निर्विकार पहाते गे ॥४॥अखंड चिद्घन दिसे सर्वसाक्षी । बहेणि तया लक्षी हृदयामाजी ॥५॥४०४. लाचावले मन नव्हे त्या वेगळे । देखिले सावळे परब्रह्म ॥१॥जाली तन्मयता हालेना पापणी । घेत असे धणी स्वरूपाची ॥२॥विसरले मन आपले आपण । पडोनि ठेले शून्य मी - तूपणा ॥३॥नाठवे मीपण पडला विसरू । इंद्रियव्यापारू पारूषला ॥४॥राहिली इंद्रिये अचेतन वृत्ती । मना आत्मस्थिति लागलीसे ॥५॥लागल्या पै वृत्ति खुंटली हे गती । बहेणि ते भोगिती आत्मसुख ॥६॥४०५. चालता पाऊल पंढरीच्या वाटे । ब्रह्मसुख भेटे रोकडेचि ॥१॥पहाता ऐसे सुख नाही त्रिभुवनी । ते पहावे नयनी पंढरीसी ॥२॥गाता हरिनाम वाजविता टाळी । प्रेमाचे कल्लोळी सुख वाटे ॥३॥दिंडीचा गजर होजो जयजयकार । मृदंग सुस्वर वाजताती ॥४॥हमामा टिपरी घालिती हुंबडी । होवोनिया उघडी विष्णुदास ॥५॥बहेणि म्हणे ऐसा आनंद वाटेचा । कोण तो दैवाचा देखे डोळा ॥६॥४०६. चला झडझडा वोसंता हे वाट । पंढरी मूळपीठ दूरी आहे ॥१॥सांडा आडकथा वोसंडा मारग । वाट पांडुरंग पहातसे ॥२॥स्वहिताची जया असेल तातडी । तेणे घडीने घडी काळ साधा ॥३॥गेलिया दिवस पडेल अंधारी । हे ना तैसी परी थार नाही ॥४॥पडो देह राहो, धरावा निर्धार । पांडुरंगी भाव सांडू नये ॥५॥बहेणि म्हणे आजी जावे वेळोवेळा । तरीच पर्वकाळा साधिजेल ॥६॥४०७. सर्वांगव्यापिणी भीमेचा महिमा । वर्णावया ब्रह्मा अनिर्वाच्य ॥१॥धन्य ते दैवाचे पंढरीचे लोक । घेती प्रेमसुख विठोबाचे ॥२॥भीमा - चंद्रभागा संगम जे ठायी । वानावा वो काई महिमा तेथे ॥३॥त्याहीवरी जेथे पंढरीचा देव । काय सांगो भाव क्षेत्रमहिमा ॥४॥तिहींचा संगम वसे जये ठायी । सांगावा तो काई महिमा त्याचा ॥५॥एसिया क्षेत्राचा महिमा ऐकता । पापाची हे वार्ता स्वप्नीं नाही ॥६॥स्नानदान घडे देवाचे दर्शन । तेथे जन्ममरण काय करी ॥७॥फिरे सुदर्शन सदा सर्वकाळ । काळ आणि वेळ कैची तेथे ॥८॥स्नानालागी देव येताती मिळोनी । बैसोनी विमानी माध्याह्नीके ॥९॥ऐसा क्षेत्रमहिमा कोण वानी सीमा । नकळे अधमा असोनिया ॥१०॥धन्य पुंडलीक धन्य त्याचा भाव । क्षेत्राचा अनुभव वाढविला ॥११॥बहेणी म्हणे पुण्य पाहिजे ते गाठी । व्हावयाते भेटी विठोबाची ॥१२॥ N/A References : N/A Last Updated : February 22, 2017 Comments | अभिप्राय Comments written here will be public after appropriate moderation. Like us on Facebook to send us a private message. TOP