TransLiteral Foundation
मराठी मुख्य सूची|मराठी साहित्य|भारुडे|
पाळणा - सद्गुरुवचनें जन्म जें झाल...

भारुड - पाळणा - सद्गुरुवचनें जन्म जें झाल...

भारुड Bharude is a kind of satirical form of presenting the faults of lay human beings. It was started by Eknath who is revered as a saint.

भारुड - पाळणा

सद्गुरुवचनें जन्म जें झालें । माया जठरीहुनी वेगळें केलें ।

अहंकाराचें गुल्ब तात्काळ तोडिलें । वासना समूळ नाळ खोडिलें ॥ १ ॥

जो जो जो परियंदे सहज । रात्रंदिवस नित्य लागली निज ॥ध्रु०॥

पिटिलें जेंगट अनुहात ध्वनी । शांति क्षमा दया बोलती कामिनी ।

अपरूपें झालें स्वयें लक्षणीं । टकामकां पाहे कोहं सोहंपणीं ॥ २ ॥

उपजत पायाळ पैं झाला देख । अक्षय ठेवणें लाधले आशेख

अविद्या गर्भीचें हारपलें दुःख । नयन पुंजाळलें अर्धोन्मिलित ॥ ३ ॥

अवलोकनालागीं जन आचार्य आला । अशेष अविद्येचा त्यागु केला ।

असमाय आनंद आनंदें न्हाला । उसळला बिंदु पूर्वज समूह मिनला ॥ ४ ॥

झाली दृष्टादृष्टी बाणले निरुतें । पूर्ण चंद्रक्षीर सागरीं भलतें ।

यापरी आनंद कवळी नभातें । सबराभरीत कवण आवरीते ॥ ५ ॥

चिद्रत्नाच्या अंजुळी भरुनी वृत्तीच्या हातीं । स्वानंदाच्या मध मुखीं घालिती ।

जनित जन्ममळ निषेध धुती । आपेंआप नवल झाली प्रचीती ॥ ६ ॥

स्वानुभाव ब्रह्मसुत्र देतां पै झाला । अखंड अनुस्फुत मध्यें बांधला ।

सभोंवता आप वर्गु समूह निमाला । परं परमेष्टी सुखें सुखावला ॥ ७ ॥

ज्योतीच्याही ज्योती उजळुनी आरती । ओंवाळिला देखा अखंड दीप्ती ।

मध्यमा वैखरी परा पश्यन्ती । एकेश्वरे चारी परतोनि गाती ॥ ८ ॥

तंतू सूक्ष्मदशे वासना होती । सद् युक्तीच्या वळियेल्या वाती ।

स्वरूपीं लाविला दिपु स्वयंभस्थिती ॥ ९ ॥

दहा दिन चिलस वासनें केलें । इतुकेनि स्पर्शाचें बव फितलें ।

आपपरावेनी सकळ शुद्धत्व आलें । ब्रह्मरस तेथें पारणें केलें ॥ १० ॥

क्रमुनी अकराही पलख मुहूर्त । स्थानु निर्वाळिला अक्षर अव्यक्त ।

निरालंब पाळाण लाविला तेथें । अनुभव श्रृंखळा आलिय औचित ॥ ११ ॥

मचवे शोभले पुरुषार्थ चारी । निष्काम पाटिया बाणल्या त्यावरी ।

सबाह्य विणियेली विवेकाची दोरी । त्यामाजीं पहुडला सुख निद्रेवरी ॥ १२ ॥

सानु सानु परिये देतु उन्नत उन्मनीं । चिराई तूं बा कुंज निरंजनीं ।

माझिये दृष्टी तुज लागे बा झणीं । स्वयें परतली इडापिदा घेउनी ॥ १३ ॥

निजीनिज सांडुनी अवस्थात्रया । लोण करूं गेली साक्षी आणू तूर्या ।

आपणिया आपण होऊनियां तळिवरिया । सहजीं सहजपणें असणें सहज जया ॥ १४ ॥

मौनामौन पडलें शब्द शिराणी । सहज स्थिति येथें धरियेली कानीं ।

पितामहाचा पिता सुभानु वंश वर्णनीं । निजसुख घेतलें एका जनार्दनीं ॥ १५ ॥

Translation - भाषांतर
N/A

N/A
Last Updated : 2013-11-10T18:30:28.1630000

Comments | अभिप्राय

Comments written here will be public after appropriate moderation.
Like us on Facebook to send us a private message.

stern

  • वरा, सुकाणाकडील भाग 
  • (severe in look or manner) उग्र, कडक, कठोर 
  • (resolute) निश्चयी, करारी 
  • न. वराम 
More meanings
RANDOM WORD

Did you know?

आत्म्याची किती आणि कोणती रूपे मानली गेली आहेत?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site