TransLiteral Foundation
मराठी मुख्य सूची|मराठी साहित्य|भारुडे|
पोपट - पढो माझ्या आत्मारामा । रा...

भारुड - पोपट - पढो माझ्या आत्मारामा । रा...

भारुड Bharude is a kind of satirical form of presenting the faults of lay human beings. It was started by Eknath who is revered as a saint.

भारुड - पोपट

पढो माझ्या आत्मारामा । राधा कृष्णाचें हे ध्यान । पिंजर्‍यामध्यें गुंतलासीं । तुज सोडवील कोण ॥ध्रु०॥

चौर्‍यांयशी लक्ष योनी । वनीं तूं तरी हिंडसी । प्रमदा विष फळीं अति त्वरें धांव घेसी । घेऊनियां दोही पक्षी । पाहती तुज न्यावयासी ॥ १ ॥

पिंजरा घडविला पंचभूतांचा कुसरी । नव द्वारें सोळा सांधे । प्रभा पडली भीतरीं । लाविली प्राचीनाची दोरी । बांधिला निज मंदिरीं ॥ २ ॥

हिरवा तुझा रंग । गुंज वर्ण दोन्ही डोळे । चोंच आहे तुझी लाल । बोल तुझा हा मंजुळ । राघवा तूं बोल माझ्या सख्या अमोलिक बोल ॥ ३ ॥

अचळ तूं चंचळ मोठा हिंडे तीनही ताळ । तुला जपला काळ । बोका केव्हां घालिल गळ । जरी जाशी उडोनियां । पूर्व सुकृताचें फळ ॥ ४ ॥

सत्य गुरु दत्त दाता । तारक मंत्र तुज देई । तोच तुला सोडवील । यम करील काई । पावशील चिंतामणी । एका जनार्दनीं पायीं ॥ ५ ॥

Translation - भाषांतर
N/A

N/A
Last Updated : 2013-11-10T18:30:13.8030000

Comments | अभिप्राय

Comments written here will be public after appropriate moderation.
Like us on Facebook to send us a private message.

आपलें ठेवायचें झांकून, दुसर्‍याचें पाहायचें वांकून

  • आपली गुह्ये गुप्त ठेवून दुसर्‍याची जाणण्याची खटपट करावयाची. आपली बिंगे लपवून दुसर्‍याची बाहेर काढण्याचा प्रयत्‍न करावयाचा. आपले व्यंग दुसर्‍यापासून चोरून ठेवून दुसर्‍याचे मात्र पाहाण्याची खटपट करावयाची, हा स्वभाव फार वाईट. जसे आपल्याला वाटते तसेच दुसर्‍यालाहि वाटते, ही भावना ठेवून दुसर्‍याशी वागावयास पाहिजे. 
RANDOM WORD

Did you know?

गांवे, नद्या, समुद्र, देवदेवता किंवा अन्य नांवांची उत्पत्ती काय असेल? नांवे कशी पडली असतील?
Category : Hindu - Literature
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site