TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
संस्कृत सूची|शास्त्रः|तंत्र शास्त्रः|श्रीशक्तिसङ्ग्मतन्त्रम्|
विंशतिः पटलः ।

श्रीशक्तिसङ्ग्मतन्त्रम् - विंशतिः पटलः ।

तंत्र शास्त्र भारताची एक प्राचीन विद्या आहे. तंत्र ग्रंथ भगवान शिवाच्या मुखातून प्रकट झाले आहेत. त्यांना पवित्र आणि प्रामाणिक मानले आहेत.
Tantra shastra is a secret and most powerful science of the Indian culture and religion. It is a most powerful science which Indian Rushis have practised for centuries and still it is in practise.


विंशतिः पटलः ।
श्रीदेव्युवाच ।
दशविद्यादिकं देव दश वै शक्तयः प्रभो ।
पुरैव कथिताः स्वामिन् तत्क्रमान् वद साम्प्रतम् ॥१॥
श्रीशिव उवाच ।
रहस्यातिरहस्यं च कथ्यते तव भक्तितः ।
महानीलक्रमेणैव कालिका सिद्धिदायिनी ॥२॥
महानीलक्रमो देवि द्विविधः परिकीर्तितः ।
सकलो निष्कलश्चेति तत्क्रमं श्रृणु पार्वति ॥३॥
खङ्गहस्तः शिरोन्यस्तः सर्वदा मुक्तकुन्तलः ।
सदा मांसासवोल्लासहृदयाघूर्णलोचनः ॥४॥
सिन्दूरतिलकं भाले पाणौ तु मदिरारसः ।
न करोति नरो यस्तु स कथं मम पूजकः ॥५॥
रात्रौ पर्यटनं चैव रात्रावेव प्रपूजनम् ।
न करोति नरो यस्तु स कथं मम पूजकः ॥६॥
x x x x कर्म शक्तेरालिङ्गनं तथा ।
न करोति नरो यस्तु स कथं मम पूजकः ॥७॥
सिन्दूरबिन्दुं भ्रूयुग्मे स्वयम्भूमुनिपत्रकम् ।
रक्तचन्दनजं चापि त्रिपुण्डञ्च ततोपरि ॥८॥
कुचन्दने कज्जलस्य बिन्दुर्देयो महेश्वरि ।
धूपाङ्गारत्रिपुण्ड्रस्य सत्त्वस्थाने प्रदापयेत् ॥९॥
महानीलक्रमे देवि तिलकः परिकीर्तितः ।
श्मशानशायी मांसाशी संविदानन्ममानसः ॥१०॥
x x पश्यन् स्पृशन् गच्छन् सर्वकालं जपं चरेत् ।
x x रमन् श्मशानस्थो मृदुचूडकसंयुतः ॥११॥
दन्तक्षमालया देवि राजदन्तेन मेरुणा ।
मालां कृत्वा जपेद्देवि सदा ताम्बोलचर्वकः ॥१२॥
कपालपात्रं सम्पूज्य सदा ताम्बूलचर्वकः ।
कपालपात्रं सम्पूज्यवीरसाधनतत्परः ॥१३॥
कपालमालाभरणो x x x तत्परः ।
सिन्दूरतिलकं भाले पाणौ तु मदिरारसः ॥१४॥
शक्तयानन्दो नेत्रकञ्जे मुखे हालां गृहाङ्गने ।
x x बाला करे माला शक्तिदोला हृदम्बुजे ॥१५॥
रक्तचन्दनजा वापि स्वयम्भूकुसुमोद्भवा ।
रक्तश्वेता द्विधा प्रोक्ता मुण्डास्थिदन्तजा प्रिये ॥१६॥
x x x x x कृत्वा सर्वकालं जपेच्छिवे ।
शक्तिद्रव्यं न संस्कार्यं सर्वमेतच्चराचरम् ॥१७॥
अविकारी प्रहृष्टान्मा स्त्रीभक्तो विजितेन्द्रियः ।
ईदृग्विधो नरो देवि महानीलक्रमे मतः ॥१८॥
राजदन्तमयी माला खरोष्ट्राश्वसमुद्भवा ।
असक्तानां निष्कलः स्यात्तत्क्रमं श्रृणु पार्वति ॥१९॥
विजयादुग्धकं पीत्वा सच्चिदानन्दमानसः ।
स्फाटिकीं मालिकां कृत्वा विहग्न् जपमाचरेत् ॥२०॥
दिक्कालनियमो नात्र स्थित्यादिनियमो न च ।
न जपे कालनियमो महामन्त्रस्य साधने ॥२१॥
यस्मिन्मन्त्रे य आचारस्तत्र धर्मस्तुं तादृशः ।
भ्रान्तिस्तत्र न कर्तव्या स्वर्गो वा मोक्ष एव च ॥२२॥
पञ्चचक्रक्रमः कार्यो गुरोराज्ञाक्रमेण च ।
मृदुकोमलकं देवि चूडकं वाप्यचूडकम् ॥२३॥
शवं वीरासनं वापि योनित्वगासनं च वै ।
कामरूपासनं देवि सुरतासनमेव च ॥२४॥
सिन्दूरासनकं देवि पर्वतासनमेव च ।
सरोरुहासनं देवि तिलपुष्पं च खञ्जनम् ॥२५॥
चन्द्रबिम्बं सर्पिणी च कम्बलासनमेव च ।
प्रयागासनकं देवि महाप्रयागासनं तथा ॥२६॥
मुनिचूडासनं वश्ये स्पर्शषट्कासनं तथा ।
जिह्वास्पर्शासनं देवि वायुस्पर्शासनं च वा ॥२७॥
आश्लेषासनकं देवि तथा मुण्डासनं तथा ।
श्रीमुण्डसुरतं वापि श्रीवीरसुरतं च वा ॥२८॥
पञ्चवीरासनं देवि सुरेन्द्रादिदिशाक्रमात् ।
आवन्ती मथुरा काशी प्रयागाद्यासनं तथा ॥२९॥
लेहस्पर्शासनं चैव प्रयागत्रितयासनम् ।
प्रत्येकमासनासक्तजघनासक्तमासनम् ॥३०॥
तरुणं सुन्दरं शूरं सम्मुखे रणवर्तिनम्
पलायनविशून्यञ्च चापलाद्यभिभूतकम् ॥३१॥
शनिभौमदिने वापि पञ्चरात्रिदिने च वा ।
सद्यःप्राप्तान् त्रिरात्रस्थान् शवानानीय पार्वति ॥३२॥
दिग्विदिक्क्रमयोगेन स्थापयेद्यत्नतः शिवे ।
शून्यागारे पर्वते वा एकलिङ्गे चतुष्पथे ॥३३॥
पश्चिमाभिमुखं लिङ्गं वृषशून्यं च यत्र वै ।
ईदृक् स्थानं समासाद्य वीरवेषं समाचरेत् ॥३४॥
श्मशानदेवताभ्यश्च महाकालाय पार्वति ।
बलिं दत्त्वा प्रयत्नेन दिक्पालेभ्यो वलिं हरेत् ॥३५॥
शवान् संक्षाल्य यत्नेन पूर्वोक्तेन तु वर्त्मना ।
सर्वोपस्करसम्पन्नो दूरे चोत्तरसाधकान् ॥३६॥
अभिषेकविधिज्ञांश्च साधिकान् साधकान्प्रिये ।
र्ददृग्विधान् समानीय सशस्त्रान् दूरदेशके ॥३७॥
संस्थाप्य दश कीलन्वै दशदिक्षु निखानयेत् ।
वीरार्गलेन मन्त्रेण त्वघोरास्त्रेण वा प्रिये ॥३८॥
जयदुर्वाख्यमनुना विद्यामण्डलकेन वा ।
दिग्बन्धनमथाचर्य्य मद्यमांसादिसंयुतः ॥३९॥
मत्स्यं मुद्रां x x x तत्र सर्वं समाचरेत् ।
स्वस्वकल्पोक्तविधिना बलिसम्भारसंयुतः ॥४०॥
गोनरेभाश्वमहिषछागमेषसमूषकान् ।
मार्जारादीन् समानीय पिष्टजानथवा प्रिये ॥४१॥
स्वकण्ठसमरासीन्वै (?) कृत्वा यत्नेन पार्वति ।
सर्वं श्मशानवत्कृत्वा जूटिकाबन्धनादिकम् ॥४२॥
अश्वारोहक्रमेणैव तत्र स्यित्वा जपं चरेत् ।
प्रथमं प्रहरं त्यक्त्वा तृतीयप्रहरावधि ॥४३॥
एकद्वित्र्यादिवर्णानां मालामन्त्रादिकाः प्रिये ।
उक्तमार्गेण देवेशि शक्तियोनौ शिवं यजेत् ॥४४॥
जपं कुर्यान्महेशानि देवता वरदा भवेत् ।
कोटिकोटिप्रकारैश्च भयं तत्र प्रजायते ॥४५॥
सर्वं मिथ्यैव कृत्वा तु जपं कुर्यान्महेश्वरि ।
यदि भाग्यवशाद्देवि स्त्रीरूपा संस्कृताक्षरम् ॥४६॥
मधुरं वक्ति या देवि सैव प्रोक्ता महेश्वरी ।
मध्यभागान्महेशानि ब्राह्मणः संस्कृतं वदेत् ॥४७॥
समायाति महेशानि भरवः परिकीर्तितः ।
तथा यद्याच्यते देवि तद्देयं तत्र पार्वति ॥४८॥
स्वस्य वाञ्छावरो ग्राह्यो वरं ब्रूहीति सा वदेत् ।
तत्तयैव महेशानि भविष्यति न संशयः ॥४९॥
तच्छक्तियोनितत्त्वस्य x x प्रत्यक्षमाचरेत् ।
सर्वसिद्धीश्वरो भूत्वा कालीरूपो नरो भवेत् ॥५०॥
ब्रह्माण्डगोलके या च या काचिज्जगतीतले ।
समस्ताः सिद्धयो देवि तस्य हस्ते व्यवस्थिताः ॥५१॥
सैव काली भवेद्देवि नात्र कार्या विचारणा ।
भ्रान्तिं त्यत्त्क्का महेशानि सर्वं कार्यं महेश्वरि ॥५२॥
शुद्धो चाशुद्धताभ्रान्तिः स कथं मम पूजकः ।
पाने भ्रान्तिर्भवेद्यस्य घृणा स्या x x x ॥५३॥
र्ददृग्विधो नरो यस्तु स कथं मम पूजकः ।
यद्यत्प्राप्तं महेशानि तत्सर्वं विनिवेदयेत् ॥५४॥
निष्कले नीलमार्गे च तिलकाद्यं च पूर्ववत् ।
ताम्बूलभक्षणं कृत्वा संविद्दुग्धं सदा भजेत् ॥५५॥
स्त्रियं दृष्ट्वा जपेद्देवि शवभस्मान्समाहरेत् ।
इत्याचारपरः श्रीमान् कालीरूपो नरो भवेत् ॥५६॥
पंचाशत्कुशतो ब्रह्मा तदूर्ध्वं विष्टरः स्मृतः ।
कुशपत्रशतेनैव विष्टरं कारयेद्बुधः ॥५७॥
जीवन्यासं तत्र कृत्वा तस्योपरि जपं चरेत् ।
ताम्बूलं योनिचक्रं च मुण्डमाला शवासनम् ॥५८॥
सिन्दूरं खङ्गकं देवि संविदासवयो रसः ।
विना यः पूजयेत्कालीं रौरवं नरकं व्रजेत् ॥५९॥
कुलाचारं समासाद्य सर्वसिद्धीश्वरो भवेत् ।
इति संक्षेपतः प्रोक्तं किमन्यच्छ्रोतुमिच्छसि ॥६०॥

इति श्रीशक्तिसङ्गममहातन्त्रराजे उत्तरभागे द्वितीयखण्डे श्रीमदक्षोभ्यमहोग्रतारासंवादे दशविद्यादिपूजाक्रमं नाम विंशतिः पटलः ।

Translation - भाषांतर
N/A

References : N/A
Last Updated : 2018-01-17T19:37:46.2530000

Comments | अभिप्राय

Comments written here will be public after appropriate moderation.
Like us on Facebook to send us a private message.

अंगीं असे तर कोपरीं फाटे

  • एखादें वस्त्र अंगावर वापरलें तरच तें फाटण्याचा संभव. कोणतेंहि काम करावयास लागलें तरच त्यांत झीज लागण्याचा संभव असतो. बाजूलाच राहिल्यावर कशाला धस लागेल? 
RANDOM WORD

Did you know?

मकर संक्रांति हिंदू सण असूनही १४ जानेवारीला का साजरा करतात?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site