TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अनुवादीत साहित्य|श्रीनारदभक्तिसूत्रें|
सूत्र २४

श्रीनारदभक्तिसूत्रें - सूत्र २४

नारद भक्ति सूत्र या ग्रंथाचे रसाळ निरूपण संत केशवराज महाराज देशनुख यांनी केले आहे.


॥ नास्त्येव तस्मिन् तत्सुखसुखित्वम ॥२४॥
जारप्रेमाचें ठायीं । विषयसुखावाचूनि नाहीं । सुखभोग आपुलिया ठायीं । जार केवळ निमित्तमात्र ॥२६४॥
तो जरी सुख न देतां । तरी प्रेमाची दूर वार्ता । तोचि दु:ख देऊं लागतां । प्रेम विरघळे तात्काळ ॥२६५॥
जारावरी प्रेम करिती । किंचित काल आराधिती । पाठीं तयासीच वधिती । प्रतिकूल वाटों लागतां ॥२६६॥
जारजरिणीचें प्रेम । तो केवळ विषयभ्रम । अंतीं नरकवास दारुण । भोगितां कांहीं चुकेना ॥२६७॥
जारासाठीं जारावरी । प्रेम कोणीही न करी । सर्वांचें प्रेम आपणावरी । आपणालागीं प्रिय सर्व ॥२६८॥
दुसर्‍याचें सुखें सुखी होणें । देहसुखासी तुच्छ लेखणें । हीं तो तत्वज्ञांचीं लक्षणें । असामान्यपणें नांदती ॥२६९॥
गोपिस्त्रियांची ऐसी स्थिति । कृष्णसुखें सुख मानिती । विषयभोगाची खंती । नाहीं चित्तीं अणुमात्र ॥२७०॥
कृष्ण परमत्मा परंज्योती । त्याची अंतरीं जडली प्रीति । त्याच्या सुखें सुखी होती । भोगेच्छा संपूर्ण निमाली ॥२७१॥
यालागीं जारप्रेम म्हणों नये । आत्मारामीं जडली सोय । नित्य कृष्णस्वरूपीं तन्मय । होऊनि त्या राहिल्या ॥२७२॥

Translation - भाषांतर
N/A

References : N/A
Last Updated : 2015-11-16T01:57:35.3000000

Comments | अभिप्राय

Comments written here will be public after appropriate moderation.
Like us on Facebook to send us a private message.

अविस्वासणें

  • अ.क्रि. अविश्वास ठेवणें ; विश्वास नसणें . भगवद्वचनीं अविस्वासे । ऐसा कोण पतित असे । - दा १ . १ . २१ . [ सं . अ + विश्वस ] 
RANDOM WORD

Did you know?

मृत माणसाच्या दहाव्याच्या पिंडाला कावळा न शिवल्यास धर्मशास्त्राप्रमाणे अन्य उपाय कोणता?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site