खण्डः ३ - अध्यायः १९६

 ॥मार्कण्डेय उवाच ॥
अश्वयुङ्मासि शुक्ले तु पौर्णमास्यां नरः शुचिः॥
सोपवासो नरेन्द्रस्तु देवं सम्पूजयेत्तथा ॥१॥
शचीमैरावतं वज्रं मातलिं च नराधिप॥
गन्धमाल्यनमस्कारधूप दीपान्नसंपदा ॥२॥
संवत्सरान्ते कनकं तु दत्त्वा प्राप्नोति लोकं स पुरन्दरस्य॥
मानुष्यमासाद्य नरेन्द्रपूज्यो राजा भवेद्वा द्विजपुङ्गवो वा ॥३॥
इति श्रीविष्णुधर्मोत्तरे तृतीयखण्डे मार्कण्डेयवज्रसंवादे शक्रव्रतवर्णनो नाम षण्णवत्युत्तरशततमोऽध्यायः ॥१९६ ॥