लावणी १०५ वी - नटली नट गजभारी करूं फार स...

नटली नट गजभारी करूं फार स्नेह संग चांगला ।
बाण जिव्हारीं भेदला । तुजकडे पाहतां सर्व मश्चित मन गार ॥धृ०॥
मंजुळ बोले, गर्कन, डोले, नागिणा जशी । चमकत चाले, नैन लाले, नोक मारसी । नार समतोले गेंद गोले कामिना जसी । अग नारी ! विषय चेतला ॥१॥
करुन शिणगार नोकदार फाकडीचा । गळा हार धमके, हिरा चमके राखडीचा । माषूक मुखडा, हाले आंकडा हालकडीचा । अग नारी, भोगावी तुला ॥२॥
अंगी चोळी तंग, गोरा रंग गोजिरवाणा । शोभे शालु हिरवा दिसे बरवा साजिरवाणा । कोणाची तूं अबला ? तुझा बोल लाजिरवाणा । अग नारी, भोगावी तुला ॥३॥
समजुन सार सुगर नार चतुर अंगीं । हर्ष उभयतां, नसे द्वयाता त्या प्रसंगीं । सगनभाऊ गाती, सभा च्याहाती त्या प्रसंगीं । छंद कान्हूचा भला । भाण जिव्हारीं भेदला ॥४॥