TransLiteral Foundation
मराठी मुख्य सूची|मराठी साहित्य|लावणी|अंधारातील लावणी|
ये ग ये सखे पलंगावरती । ज...

लावणी ४८ वी - ये ग ये सखे पलंगावरती । ज...

लावणी म्हणजे गीत, नृत्य आणि अदाकारी यांचा त्रिवेणी संगम. लावणी शृंगाराची खाण आणि महाराष्ट्राची शान आहे.


लावणी ४८ वी
ये ग ये सखे पलंगावरती ।
जिव धीर न धरती ॥धृ०॥
गोरा देह ओतीव कंचन कैसी । जशी उंच मुकेसी
भरलें तारुणपण आलें शिगेसी । कधीं भोगुं देसी ?
अवघ्या नारींची रूपें दिपविसी । तुं पद्मिणवंशी
उचलुन घ्यावी कडेसीं । कांहिं मग नको, वासना मरती ॥१॥
तुझी ग गोड प्रीत मोठी कळली । जशी जिलबी तळली
पाहतां दिव्यानन, दृष्टी वितळली । मति अमची चळली
अवघ्या भोगुन तूं मात्र वेगळाली । तीच आज मिळली
दैवी प्रीतिरस गळली । जाते घडि सुखाची सरती ॥२॥
फिरलें मन, तुजला गडे राखावी । कशि तरि टाकावी ?
प्राणीमात्रानें वाखाणावी । चांगली म्हणावी
घालुन दरवडा ग चोरुन न्यावी । कुलपीं ठेवावी
अजुन किती विनवावी ? । देखुन तुला लोक बावरती ॥३॥
केवळ बोलणें रसिक रसवाणू । जशि मंजुळ वेणू
धरिलें ब्रीद्र, हें नको लटकें मानूं । कां करसी नानू ?
होनाजी बाळासी नये अनमानूं ।
विषयाची अशी सारा दिवस वानुं ।
बसली चरक जिव्हारीं पुरती ॥४॥

Translation - भाषांतर

Last Updated : 2016-11-11T12:54:22.2800000

Comments | अभिप्राय

Comments written here will be public after appropriate moderation.
Like us on Facebook to send us a private message.

पगीं धरणें

  • [पग=पाय] पाय पकडणें 
  • बोलण्यांत, शब्दांत पकडणें 
  • युक्तीनें कबज्यांत आणणें. 
RANDOM WORD

Did you know?

मरणानंतर पंचांगात नक्षत्र कां पाहतात? त्याचा प्रेताशी काय संबंध?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.