TransLiteral Foundation
मराठी मुख्य सूची|मराठी साहित्य|लावणी|अंधारातील लावणी|
किती लाजुन पळतेस अम्हांला...

लावणी ६२ वी - किती लाजुन पळतेस अम्हांला...

लावणी म्हणजे गीत, नृत्य आणि अदाकारी यांचा त्रिवेणी संगम. लावणी शृंगाराची खाण आणि महाराष्ट्राची शान आहे.


लावणी ६२ वी
किती लाजुन पळतेस अम्हांला ? कां म्हणशी तूं नका नका ? ।
घडेल तेव्हा संग घडो, पर तूर्त तुझा घेउं दे मुका ॥धृ०॥

गौरवर्ण मृदु अंग सुंदरी पाहुन मन तुजवर झुकलें ।
हास्यवदन सर्वदा टवटवित, गाल जसें केळें पिकलें ।
दोन्ही स्तन गटगटित चोळिच्या आंत कसे जाउन लिकले ।
क्षणक्षणा वरखालीं पहातां पापि नेत्र अमचे थकले ।
अम्ही शहाण्याचे वेडे जाहलों, भुल पडली अमच्या अकले ।
त्यजुन बायका घरच्या प्राणी कितिक प्रपंचाला मुकले ।
मोठे मोठे धनवान तुसाठीं यत्न करुन पाहुन चुकले ।
बहुतांनीं ठेविली अशा पर नाहिं कोणाचे गडे विकले ।
हा बहर गेल्यावरी सुंदर घरी बसून मारशील हाका ॥१॥

स्वयंभ रत्नाचीच खाण तूं, अशी दुसरी विरळा न दिसे ।
धन्य पित्याचा गर्भ प्रसवली माय तुला तशी राजसे ।
मुखडयावर नौतीचा तजेला, कहर पाचव्या दिशीं दिसे ।
तेव्हां निरखुन पाहतां अमचें वीर्य गळेल वाटतें असें ।
तुझा समागम नित्य असावा, हें दैवी अमच्या नाहीं कसें ? ।
घे कागद गडे लिहुन तुझ्या धरीं अम्ही राहतों चाकर जसे ।
तें तर फारच दूर, येव्हांशी काय तुला सांगून फुका ? ॥२॥

भुजा तुझ्या गोंडाळ, हतामधें गोटपाटल्या झळकती ।
अखुड पाउलें टाकी तशा (?) निघाली चालशी गजाकृती ।
नेसुन लुगडें साफ, स्वच्छता तुझी सांगावी किती ? ।
कवळुन धरल्यावर सोडावी असें वाटेना अम्हांप्रती ।
विषयमदाचें मोहळ सखे तूं, नाहिं तुला तुजयोग्य पती ।
काय करावें ? अम्हि चरफडतों, तूं पडलिस भोळसरा हतीं ।
मर्यादेचा सागर भरलिस, नाहिं कमी गुण यावरतीं ।
हें लक्षण पहावें या बायका तुझ्या घरिं येउन राहती ।
तुझे वदन चुंबितां गोड किती, जसा श्रीखंडाचा भुरका ॥३॥

उष्ण काळीं मार्गानें चालतां जिव करितो पाणी पाणी ।
तशी तुझेवर प्रीत असे गडे, तूं आतां अमची राणी ।
प्रेमाचा पुर अला अम्हांला, गत झाली वेडयावाणी ।
पुढें अतां नको पाहुं, आसपास नाहीं कोणी ।
यापाइ कांघाइ करशील, तरी न सोडूं निर्वाणी ।
हे नलगे सांगावें, मुळचि तूं आहेस पक्की, शहाणी ।
बळ पुरुषाचें पाहून पडली मग त्याच्यापुढें उताणी ।
मन धालें उभयतां मिळालीं तीं जैशी साखरलोणी ।
होनाजी बाळा म्हणे, बरें जाहलें पार नाहीं अमुच्या सुखा ।
दिली सोडुन, मग गेली घरामधे, पदर लाविला तिनें मुखा ॥४॥

Translation - भाषांतर
N/A

References : N/A
Last Updated : 2016-11-11T12:54:23.4700000

Comments | अभिप्राय

Comments written here will be public after appropriate moderation.
Like us on Facebook to send us a private message.

कुल्ला

  • पु. नितंब ; टिरी ; ढुंगण . ( वाप्र .) कुला बाहेर पडणें - गुदभ्रंश ( अंगेरु ) होणें ; अंग बाहेर पडणें . कुल्ले थोपटणें - आनंदानें टिच्या बडविणें . कुल्ल्याला पाय लावणें - पळुन जाणें ; सुं बाल्या करणें . कुल्लावर कुल्ला येणें - लठ्ठ होणें मातीचे कुल्ले लावल्यानें कोठें लागतात ? - निसर्गदत्त वस्तूप्रमाणें कृत्रिम वस्तु टिकत नाहीं या अर्थी . म्ह० रिकाम्यासुतार कुले तासी . 
  • पु. कुला पहा . 
  • पु. उभी टोपी ; फेट्याच्या आंत घालतात ती जरीची टोपी . ( अर . कल्ह = डोकें कुलाह् - टोप ) 
RANDOM WORD

Did you know?

कांही धर्मात प्रेताचे दहन तर कांहीत दफन कां करतात?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site