TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|भारुडे|
यलमा - यलमा आली यलमा आली । मच्छर...

भारुड - यलमा - यलमा आली यलमा आली । मच्छर...

भारुड Bharude is a kind of satirical form of presenting the faults of lay human beings. It was started by Eknath who is revered as a saint.

भारुड - यलमा

यलमा आली यलमा आली । मच्छरूपीं यलमा आली । शंकासुराचे वधासी गेली । चारी वेद घेऊन आली । माता माझी यलमा भली ॥ १ ॥

धरा रसातळासी चालली । कूर्मरूपें यलमा आली । माझे बयेन धरली । जयदेवी अंबा स्थापिली ॥ २ ॥

अंबा वराह रूप होऊन । क्षिती दाढेवर धरून । दैत्य अघोर वधून । करिती भक्तांचे पालन ॥ ३ ॥

अंबा नारसिंह रूप होऊन । स्तंभामाजीं गुरुगुरून । हिरण्यकश्यपाचा घेतला प्राण । भक्त प्रल्हादाकारणें ॥ ४ ॥

अंबा झालीसे कृतघ्न । बया बैसली कपाट लावून । मंजुळ बोले हास्यवदन । अष्टभुजा सौभाग्य जाण । दार उघडून पाहे वदन ॥ ५ ॥

वामनरूपें अंबा होऊन । बसली पाताळीं घालून । द्वारपाळ पुन्हा राहून । शुक्र गुरूचा डोळा फोडून । दातृत्व भक्त जाण ॥ ६ ॥

अंबा परशराम होऊन । कामधेनु आली घेऊन । रेणुकेचा वध करून । आपल्या पितृची आज्ञा पाळून ॥ ७ ॥

अंबा झाली असे राम । लंका विभीषणा स्थापून । इंद्रजिताचा घेतला प्राण । अंबा सुवेळ नाचून । अंबेनें केलें रणकंदन ॥ ८ ॥

देवकीचे उदरा जाऊन । गर्भयासी अंबा जाऊन । कंसाहातीं गेली निसटून । गोकुळीं केलें गमन । अंबा शेषावर करी शयन । करी यश्वदेचें स्तनपान । करी कंसाचें छेदन ॥ ९ ॥

अविनाश पंढरी जाण । अंबेने पाहिलें दिंडिरवन । भक्त पुंडलिकाकारण । समचरण कटी ठेवून । दृष्टी नासाग्री ठेवून । न्याहाळी ती भक्तजन । बौद्धरूप अंबा जाण ॥ १० ॥

अंबा दशभुजा नटली । दैत्य दानव मारून आली । कलीरूप प्रगट झाली । जळमय करूं गेली । चंद्र सूर्याशीं आज्ञा दिली । वटपत्रीं शयनीं झाली । त्रिविधताप अंबा माउली । एका जनार्दनीं अंबा पाहिली ॥ ११ ॥

Translation - भाषांतर
N/A

N/A
Last Updated : 2013-11-10T18:30:49.3500000

Comments | अभिप्राय

Comments written here will be public after appropriate moderation.
Like us on Facebook to send us a private message.

छिंकणी

  • छिंकणी छिकामणी, ने लुगडा लाजामणी, तपकीर ताजो, ने जेना हाथमां छिंकणी ते छत्रपति राजो 
  • (गु.) तपकीर शिंका आणते व वस्‍त्र खराब करते 
  • तथापि ज्‍याच्या हातांत ताजी तपकीर असते त्‍याला आपण छत्रपति राजे आहो असे वाटते. छेल पहा. 
RANDOM WORD

Did you know?

श्रावण महिन्यांत महादेवाच्या पिंडीवर दुधाचा अभिषेक कां करावा? त्याचे पुण्य काय?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.