अथान्त्येष्टिप्रयोगः - अथ सप्तमदिनकृत्यम्

संकल्पादि कृत्वा अमुकगोत्रस्य अमुकप्रेतस्य प्रेतत्वनिवृत्त्योत्तमलो० मृताहादद्य सप्तमेऽहनि सप्तमदिनविधिं करिष्ये इति संकल्प्य मृत्तिकास्नानादिपिंडासनांतं कृत्वा अद्येत्यादि० अमुकगोत्रस्य अमुकप्रेतस्य अस्थिमज्जाशिरोवयवनिष्पत्त्यर्थं अयं पिंड उपतिष्ठतां इति दत्त्वा शेषं प्राग्वत्कुर्यात् ॥ ततो विषमश्राद्धम् ॥ संकल्पादि कृत्वा अमुकगोत्रस्य अमुकप्रेतस्य प्रेतत्वनिवृत्त्योत्तमलो० मृताहादद्य सप्तमेऽहनि विषमश्राद्धं करिष्ये इति संकल्प्य तूष्णीं तिलोदकं कृत्वा क्षणादिसर्वं प्राग्वत्कुर्यात् ॥ इति सप्तमदिनविधिः ॥