मी सवासिनी कसी जाऊ सखे यात्रेला ॥
लुब्धले तुझ्या सुरतेला कसे करू ॥ध्रु०॥
तुझ्या आधी जाईन पंढरीला चुरसा चुरसी ॥
आंगणात झाले दुरसी कसे करू ॥
लोका ज्या पाहुन स्त्रीया तिला फुरफुरसी ॥
मनच्या मनात चुरमुरसी झुरझुरू ॥
बोलण्यामध आटापेनास बोलुन उरसी ॥
हा मिथ्या वाद तू करसी फिरफिरू ॥
ह्या आहेत चाली तुमच्या ठाउक पहिल्या स्वामीराया ॥
जा पंढरीस द्या गोष्टी सोडून दुरल्या स्वामीराया ॥
आम्ही स्त्रीया जात छळनुक करिते मैत्रेला ॥१॥
जे होयाचे ते होऊ दोघे जाऊ ॥
अंतरले बापभाऊ तुजवीन ॥
दोघाचे दोन घोडे सजउन घेऊ ॥
पंढरपुर विठल पाहू विनऊन ॥
तु कळलीस बे वचनी माया लाऊ ॥
तुझी क्रिया नाही शुद्ध राहू म्हणऊन ॥चाल॥
इमान देऊन वचनात गोविले मजला ॥
राजस वदने ॥
तुझ्यापायी म्या संसार आवघा तुजला ॥
राजस वदने ॥
कोण घटका लागली म्हणुन जिव रझला ॥
राजस वदने ॥
एक दिवस नाहि टिकणार तुझ्या खात्रीला ॥२॥
सखी सांगे सख्याप्रति आर्जवून मर्जी ॥
मी नव्हे मतलब गर्जी जावलागी ॥
या शहर पुण्याच्या स्त्रिया गोड वर वर जी ॥
हात फिरविल तोंडावर जी पुढे बगा ॥
हा भरमाचा भोपळा आहे आजवर जी ॥
न कळे फुटेल हा गरजी पुढे दगा ॥चाल॥
या काळी प्रीत चालवणे तुजला आमची प्रियकर राघु ॥
पुढे बग न कोणी मिळेल तुला फुकाची ॥
प्रियकर राघु ॥
राहिली क्रिया फेरफार गोष्ट लाखाची ॥
प्रियकर राघु ॥
या कर्मे लागेल बट्टा कुळगोत्रेला ॥३॥
रतु चौथा दिवस प्रातःकाळी न्हाऊ ॥
खुषबोई अत्तर लावु राजसा ॥
अनुभवे एकविचारे उभयता येऊ ॥
दरकुच पोहचले जाऊ सा दिवसा ॥
केले चंद्रभागेचे स्नान क्रिया घेऊ ॥
तुळसी पत्र बेल वाहू विठ्ठला ॥
रावळांत जाऊन अर्ज विनंती केली ॥
प्रियकर राघु ॥
कवी सिद्धनाथ म्हणे आशा पूर्ण झाली ॥
प्रियकर राघु ॥
गुणी सगनभाऊचे कवन चंद्री नेत्रेला ॥
म्हणे बिबन या यात्रेला ॥
जिवलगा ॥
मि शीवनासी कशी जाउ सखे यात्रेला ॥४॥