गोरे गाल मजा पाहाल जपुन चाल फाकडे ॥ध्रु०॥
इष्क यार फार आम्हा छंद तुझा लागला ।
रंग पाहुन दंग झालो संग करू चांगला ॥
शरीर गोल वजन तोल पाहू तुझा मासला ।
उर छाती छनकदार नको पाहू चहूंकडे ॥१॥
चारी सोमवार मजा संगमावर पाहात जा ।
चौभोते लाल उभे मर्जीने राहात जा ॥
रावळ गवळ्याची चाल नित्य मुखी गात जा ।
बिसनीच्या छब्यामधे टिकत चाल फुल झडे ॥२॥
नवा करून थाट वाट बिसनीला घेरसी ।
ज्वारी बाजरीची जमिन जेव्हा तेवा पेरसी ॥
नेत्राच्या नखर्यामधि दर्वीला घेरसी ॥
शरीरदान करू कोणास नको पडू देउ साकडे ॥३॥
सकळ स्त्रियांमधे जोत तू बनलिस पुतळी ।
चोळी तंग पाहुन रंग जशी रंभा भूतळी ॥
नाथ सिद्ध सगनभाऊ कवन गाई रावळी ।
रामा दर्दीचे गुण चौमुलखी चौघडे ॥४॥