राजसा देउनि भरवसा कोण्या गोष्टीचा राग धरिला ॥ध्रु०॥
सावळी कांती पिवळी सुरत कवळी कोणास दाऊ ॥
भागले रात्री जागले तुम्हाला कोठे धुंडित जाऊ ॥
चुरमरून पदर सावरून झोप पलंगी एकली घेऊ ॥चाल॥
शृंगार करून उभी द्वारी ॥
चोरून जाता परभारी ॥
रोहोकुनि या वाटा च्यारी ॥
भागले रात्रि जागले तुम्ही तर पण सिद्धीस नेला ॥१॥
भरजरी बुट सोनेरी लाल पातळ पैठणी लेत्ये ॥
चकचकाट आरसेमहाल बिच्छाना सुभक करून ठेवित्ये ॥
हौसेने धरिन पदरास सख्याचे पुढे उभी राहते ॥चाल॥
कोठवर छळूनिया पाहाता ॥
परकीच्या घरी कसे जाता ॥ नित नवा रंग उडविता ॥
आर्जवात मर्जी धरा पाखरा लालडीच्या लाला ॥२॥
जोडली प्रित ताडिता कोणाचा आसरा मज नाही ॥
चालवा लळा अहो मि पडले आज सौशय नाही ॥
तुम्ही श्रीमंत आम्ही गरजवंत पाहाता पलंगी आज येई ॥चाल॥
का करिता पातळ माया ॥ लावण्य स्वरूप मी जाया ॥
या पलंगी बसा गुणिराया ॥
आधी विडा करुनीया देत्ये तुम्हाला मुख भरून बोला ॥३॥
ऋतु वसंत आमुचे दिवस सख्या आज करू इष्कबाजी ॥
लावण्य गळा कोकिळा तुम्हाला आहे मी आज राजी ॥
भोगावे बसुन प्रितीने ये ग खेळू चौसर बाजी ॥चाल॥
खुषरंग करून बेबहारी ॥ मी दासी पदरची प्यारी समजला तिचा कंसारी ॥
गुणिराज रामजी गाती सख्ये आठविता जा सजनाला ॥४॥