पंचानन बाधिनिचे ॥
पति पाहु तमाशा नाग तुम्ही नागनिचे ॥ध्रु॥
पाची पक्वान्न तयारित पुलावबाजी ॥
केळीच्या फुलाची भाजी ॥
सिदकाव करा गचीवर थंड हवा जी ॥
गरमागरम जेवा जी ॥
जहनेबादी पोषाख गुलाबी प्याजी ॥
गुडगी तंग वर काचा जी ॥
बोलणे आवडते लाहान खूरी ठेंगणिचे ॥१॥
राजसा मला द्या शृंगाराची पेटी ॥
आपल्या गळ्यातिल कंठी ॥
तरतरित कोरी शुभ्र खड्याची आंगठी ॥
सख्या घालिन मधल्या बोटी ॥
पेहरवा करिन मी आपला मोळा मर्हाठी ॥
नोकदार दक्षण धाटी ॥
साठ मार तडाखे पिस्तूल संगिनीचे ॥२॥
पुष्पराज माझा ऐकुन घ्यावा दोहोरा ॥
भोगिंद्रा भोग भवरा ॥
दिवसान दिवस रंग चढता निरा गहिरा ॥
झडते फैरावर फैरा ॥
तुम्ही नाद लुब्ध का भेदी इष्क कट्यारा ॥
समजून घ्या मग विचारा ॥ नित्य ख्याल तमासे अखंड रंगजीचे ॥३॥
धनि आप सुगर महाराज श्रेष्ठ राज्यांत ॥
या कलीमध्ये भगवंत ॥
ना मुराद गरिब आम्ही तुमचे अनाथ ॥
पायधूळ निर्जीव प्रेत ॥
आंगिकार माझा करा घ्या पोटात ॥ मस्तकी ठेवा हात ।
गाई सगन भाऊ तेज कांच बंद आंगणीचे ॥४॥