जळ्या भागला कायहो वहेनी ॥
सीन भाग गेला भावोजी पाहता नयनी ॥ध्रु०॥
पहिले वहिनीचे नाते ॥
हे बाळपणीचे होते साजणी ॥
माहेरचे माणूस येते ॥
बोलते भित भीत साजणी ॥
तोंडाउन फिरवी हात ॥
इष्काचा चेतला पोत साजणी ॥
चाल ॥ कंबर सोडा लावा घोडा वाडा आहे शेजारी ॥
आपले पतीची सेवा चाकरी करून येते माघारी जी ॥
स्नानासि उन उन पाणी भोजनासी पात्र भरूनि पाठविते ॥१॥
पतिरायाचे चोरीन ॥
मी बंदोबस्ती करीन अहो सजणा ॥
लागली असेल भूक-ताहन ॥
मी आप हस्ते वाढीन अहो सजणा ॥
मजवरती पंचप्राणा ॥
आता करा भोजन अहो सजणा ॥
चाल ॥ जेउन बोला रत्न अमोला मजला काय काय आणले ॥
गुजराथीचे अचूक लेणे डागिने चांगले जी ॥
पांघराया चुनडी बडणी नेसाया रंगी फुटाणी घे साळू ॥२॥
बिंदि टीका सीसफूल ॥
बाळ्या बुगड्या काप अनी ॥
मोल साजणी ॥
मोत्याचे पेंडे पाहाल ॥
सरीवरती मीन्याचे वेल साजणी ॥
चाल ॥ छंदफंड डागिणे बुंद आज गेंदपरी घालावे ॥
रूळ साखळ्या घालुन हळू हळू चार कदम चालवे जी ॥
बोला तोंड भरूनी कमरबस्ता सोडुनी मी येतो ॥३॥
आता बनलिस रंग बाहारीची ॥
हिरकणी केली गारिची साजणी ॥
मला सांग खबर माहेरीची ॥
बातमी शहर पुण्याची साजणी ॥
पुरवावी हाऊस नारीची ॥
तुम्ही आपल्या प्राणप्यारीची साजणी ॥
चाल ॥ रत्न भूपती झाली भ्रांति धावा करिते क्षण ॥
चंद्राकडे पाहा सूर्याकडे पाहा काय तरि तेज तीक्ष्ण जी ॥
गाई सगनभाऊ रंगेला सुलतानी असमानी जन म्हणती ॥
जळ्या भागला कायहो वहेनी ॥४॥