पडले शुभ्र चांदणे काय मी करू ॥
अशा चांदण्यामधे नाही पाखरू ॥ध्रु॥
स्वच्छ आज प्राणसखे केले स्नानगे ॥
शुद्ध सेज केली लाउन पंचप्राण गे ॥
सद्धटाव पाहुन हरली भूकताहान गे ॥
खुल्या चांदण्यामधे एकली फिरू ॥१॥
शशीप्रती प्रार्थना करित बरे ॥
तेज तुझे पाहुन माझा प्राण घाबरे ॥
दया करिल प्राणसखा भेटवाल त्वरे ॥
गच्चीवरून उडी टाकीन कशास्तव ठरू ॥२॥
वाट पाहु पाहु नेत्र श्रमले आता ॥
मायबहिणी जवळ नाही आणिक हा पिता ॥
दुःख कोणा सांगू आता जन्म की वृथा ॥
गिरीकंदरी भटकत फिरू ॥३॥
दिडप्रहर रात्र झाली तेरावी घडी ॥
सखा उठून पाहती द्वारि छबेला गडी ॥
उपचारे घेऊन गेले मंचकावरी ॥
छंद नव्हे फंद सगनभाऊला स्मरून ॥४॥