TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|पुराणे|श्री कृष्णा माहात्म्य|
अध्याय ३२

श्री कृष्णा माहात्म्य - अध्याय ३२

विष्णूंच्या चरणांपासून कृष्णा नदी उत्पन्न झाली म्हणून तिचे पाणी विष्णुपादोदक आहे. त्यामुळे गंगेपेक्षाही तिचे महत्त्व अधिक आहे.


अध्याय ३२

श्रीगणेशाय नमः ॥

जय जय कृष्णाबाई माते ॥ भयापासाव तारी माते ॥ नमितो तुझिया पादपद्माते ॥ अनन्यभावेकरोनी ॥१॥

मयूरवाहन ऋषींप्रती ॥ म्हणे द्यावे अवधान पुढती ॥ माता जयाची सत्यवती ॥ याज्ञवल्क्यासि तो म्हणे ॥२॥

वेदनदीचा कृष्णावेणीसी ॥ संगम हाचि गा देख यासी ॥ संगमेश हा पापनाशी ॥ घेता दर्शन इयाचे ॥३॥

या संगमी स्नान करिता ॥ संगमेशा डोळा पाहता ॥ सकळ पातकांपासाव मुक्तता ॥ सायुज्यताही मिळतसे ॥४॥

वेदनदी हा प्रत्यक्ष निगम ॥ होय तयाचा जेथ संगम ॥ ते हे कृष्णा परं ब्रह्म ॥ महिमा अतर्क्य इयेचा ॥५॥

की हे वेदनदी शक्ती ॥ कृष्णा प्रत्यक्ष पशुपती ॥ गौरीहराची होतांचि भेटी ॥ आनंद पोटी न समाये ॥६॥

वेदगंगा कृष्णावेणी ॥ वाटे संगमी ही कृष्णवेणी ॥ जेथे साक्षात शूलपाणि ॥ सदा संनिहित असे हो ॥७॥

जेथे कृष्णावेदसंगति ॥ तेथ गोदा गंगा गोमती ॥ स्नान करिता पुण्यास मिती ॥ नाही नाहीच मुनी हो ॥८॥

करोनिया संगमी स्नान ॥ लक्ष गायत्री जप करून ॥ कामपूरक देवदर्शन ॥ होवोनि लाधे मुक्तिही ॥९॥

अमावास्या सोमवारी ॥ असे जे का फल सागरी ॥ तेचि मुनी हो संगमावरी ॥ स्नान करिता मिळतसे ॥१०॥

पंचक्रोशक्षेत्र पावन ॥ येथे राहती जे सज्जन ॥ करी तयांचे पाप नाशन ॥ सदाचरण ठेविता ॥११॥

पंचक्रोश हा कल्पवृक्ष ॥ फळे जयाची अर्थ मोक्ष ॥ धर्म कामही पहा समक्ष ॥ याज्ञवल्क्य मुनी रे ॥१२॥

सकलतीर्थशिरोमणी ॥ हेचि जाणिजे गा त्रिभुवनी ॥ येथे प्रवेश करिता क्षणी ॥ पापहानी होतसे ॥१३॥

जी का सकळ दुर्वासना ॥ समूळ तियेचे करी नाशना ॥ जेथे यमाचे किंकरांना ॥ रिघाव होईना जावया ॥१४॥

ती ही पंचक्रोश भूमी ॥ डोळा देखिली तुवा आणि मी ॥ अहा काय हे तीर्थ नामी ॥ याज्ञवल्क्य मुनी रे ॥१५॥

येथे अयाचित नक्तभोजन ॥ किंवा एकान्न सेवन ॥ करिता सदा सत्य भाषण ॥ पुण्य अमित जोडते ॥१६॥

ब्राह्मणाज्ञा घेवोनिया ॥ स्नान करी जो संगमी या ॥ मिळे जे का पुण्य तया ॥ ते याज्ञवल्क्य ऐक तू ॥१७॥

कोटि देता गोप्रदान ॥ किंवा सकल भूमिदान ॥ जोडे पुण्य ते संगमी स्नान ॥ करिता विप्राज्ञेचि हो ॥१८॥

भूमिप्रदक्षिणा करिता ॥ काळ जातो अवघाचि रिता ॥ यास्तव राहोनि येथे सुचरिता ॥ करिता सार्थक होतसे ॥१९॥

म्हणे कार्तिक ऋषिवरांते ॥ व्यास ऐसे याज्ञवल्क्याते ॥ सांगोनि सांगेल पुढेहि ते ॥ वेदसंगमचरित्र ॥२०॥

कृष्णाकथा इक्षुदंड ॥ चाखोनि पाहता रस उदंड ॥ पावाल तृप्ति तेणे अखंड ॥ बत्तिसावाध्याय हा ॥२१॥

इति श्रीस्कंदपुराणे श्रीकृष्णामाहात्म्ये वेदनदीसंगमेश्वरवर्णनं नाम द्वात्रिंशोऽध्यायः ॥३२॥

Translation - भाषांतर
N/A

References : N/A
Last Updated : 2008-09-26T23:27:53.2230000

Comments | अभिप्राय

Comments written here will be public after appropriate moderation.
Like us on Facebook to send us a private message.

गळा कापला, खोकला मिटला (वारला गेला)

  • लहानशा गोष्‍टीस उपाय करण्याकरितां मोठी आपत्ति ओढवून घेणें, मोठे नुकसान करून घेणें. नाकावरची माशी उडविण्यासाठी नाकावर कुर्‍हाड चालविल्‍याप्रमाणें मूर्ख, अविचारी कृत्‍य, खोकला पहा. 
RANDOM WORD

Did you know?

why treeepad veedhee ? narrate
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.