नमस्त्रिभुवनोत्पत्तिस्थितिसंहारहेतवे ।
विष्णवेऽपारसंसारपारोत्तरणहेतवे ॥१॥
आदिमघ्यान्तरहितं दशाहीनं पुरातनम् ।
अद्वितीयमहं वन्दे सद्व्स्त्रसदृशं हरिम् ॥२॥
लक्ष्मीकपोलसंक्रान्तपत्रपत्रलतोज्ज्वला ।
दोद्रु माः पान्तु वः शौरेर्घनच्छाया महाफलाः ॥३॥
जयति स भगवान् कृष्णः शेते यः शेषभोगशय्यायाम् ।
मध्ये पयःपयोधेरपर इवाम्भोनिधिः कृष्णः ॥४॥
अतिविपुलं कुचयुगलं रहसि करैरामृशन्मुहुर्लक्ष्म्याः ।
तदपह्रतं निजह्रदयं जयति हरिमृगयमान इव ॥५॥
इति विष्णुस्तुतिः समाप्ता ।