झिम्मा - झटी मारी झटी कंपळ पटी । स...

झटी मारी झटी कंपळ पटी ।
सईच्या सरी बापाच्या घरीं ।
बाप नाहीं सोनार ग सोनार ग ।
नथ नाहीं घडवली । पाया नाही पडवली ।
पाया ढोल ग ढोल ग । सवती बोल ग बोल ग ।
सवत बोल ना बोल ना । मांडव हाल ना हाल ना ।
मांडव सोन्याचा सोन्याचा । मुलगा वाण्याचा वाण्याचा ।
हळद लावून पिवळा केला । मारुतीच्या देवळांत नेला ।
आमची नवरी पुंजिती पुंजिती । जायकळ्या मागती मागती ।
जायफळया दाव ग दाव ग । आमची नवरी पाव ग पाव ग ।
आमची नवरी नेटाची नेटाची  । चोळी शिवा चिटाची चिटाची
चीट गेलं लष्करीं लष्करीं । दोन आंब कुस्करी कुस्करी ।
एक आंबा हिरवा हिरवा । खाईल माझा दीर वा दीर वा ।
दीर वा गेला ताकाला ताकाला । विंचूं चावला नाकाला नाकाला ।
नाक करतं फुणफुण फुणफुण । उडया मारतं टुणटुण ।