लोकगीत - गीत अठ्ठेचाळीसावे

तिथं पडला थेंब तिथं उगवला दवणा उगवला दवणा ।
दवणा नव्ह बाई दवण्याची काडी । आमच्या सुकृबानं बांधिली माडी ।
त्या माडीवर काढीला मोर । त्या मोराचा गुंजारी डोळा ।
ढवळा पवळा जी  नंदी । मोटा जुळील्या दोन्हीं ।
सोडा सोडा वो पानी । वरल्या बागच्या कोनीं ।
अशी माळीण नखर्‍याची ।ओटी शंकर शेल्याची ।
हिरव लिंबु तोडीते । पिकलं लिंबू वो झेलीते ।
सई सई गोविंदा येतो । मजवरी गुलाल फेकीतो ।
तुझ्या गुलालाचा मार । माझा भांग झाला लाल ।