लोकगीत - गीत एकवीसावे

" उघड राई दरावाजा। गवळी आला तुझा ।"
"इतकं जी इतकं कुठं जी गेलेत ?"
"गेलों होतों गेलों होतों नारळीच्या वनीं ।
 तिकुनी तिकुनी आणली गौराई सवत ।"
"आणुनी आणुनी कुठं जी ठेवली?"
"ठेविली ठेविली नारळीच्या वनीं ।"
" तोडावा तोडावा नारळीचा नारळ ।
बोलवावा बोलवावा नगरीचा सुतार ।"
"इतकंजी इतकंजी तुमी रुमाल कुठं डोईचा ठेवला?"
"धोबी माझा मैतर तेथें धुवायला टाकला ।"
"हातांतील अंगठी तुम्ही कुणाला दिली ?"
"सोनार माझा मैतर तिथं घडाया टाकली ।"