रामायण बालकांडे

धनुर्भंगानंतर सीतेनें रामकंठीं वरमाला अर्पण केल्यावर विधिपूर्वक कन्यादान करण्यासाठीं जनक राजा, शतानंदानुज्ञेनें दशरथागमनार्थ निमंत्रणपत्रिका पाठवितो.

(संस्कृत पत्रिका ।)

शतानंद ॥ मिथिलेंद्र महाराज पत्रप्रेषणमाचर ।
राज्ञो दशरथस्यात्र समागमनकारणात् ॥१॥

अत्रांतरे ॥ उष्णीषकंचुकमहावसनोपजुष्ट: पत्रं त्रिभुग्नममलं घुसृणांबुसिक्तं ।
कुर्वन्मषीकलशिकाकलमं कराग्रे क्लृप्तोचिरस्य जरठोऽक्षरचंचुरागात् ॥२॥
जनकेनादिष्ट: पत्रं विलिख्य वाचयति स्म ।

स्वस्ति श्रीमद्दिनकरकुलरत्नाकरवहीरान् जगदेकवीरान्साकेतनाथान् राज्ञो दशरथान्प्रति निमिकुलसंभवेन मिथिलावास्तव्येन जनकेन राज्ञ विहिता विज्ञापना विजयतां ।
माघकृष्णपर्यंतं सकुटुंबस्य क्षेमसंपदस्ति विशेषस्तु भगवद्विश्वामित्रेणसह समागतेन रामचंद्रेण सीतानाम्न्या: मम कन्याया: करपीडनाय विहितं श्रीकंठकार्मुकगुणारोपणपणं निर्जित्य विदेहा: परमोत्साहविरचितास्तदुत्तराहे विवाहमंगलनिर्वर्तनाय भवंत: परिवारवंत: समागच्छंतु शीघ्रमित्यलं पल्लवितेन ॥

लक्ष्मण :---  भगवन्, कथमिवेयं प्रोषित पतिकेवपरिष्कारभारपरिवर्जिता ।
परिदेवतां भगवती भारती देवी प्रेत्यते परिणयोत्सव मंगलामंत्रणाय ।
नार्हंतिच ताद्दशमालेख्यं अलंकारपारावारीणधुरीणा: श्रीमद्दशरथराज चरणा: ।

विश्वा० :---  तात, कथं तर्हि अर्हंति ।
लक्ष्म० : ---  आदिष्टश्चेच्चरणछात्रो वक्ष्यति ।
विश्वा० :---  किमयि ब्रूहि पश्याम: ॥ अहो जरठलेखक, यथाऽयं वक्ष्यति तथालिखत ।
जनक० :--- आज्ञाप्रमाणं । (जरठलेखक: पत्रांतरे लिखितुं प्रवृत्त: ।)
लक्ष्म० : --- स्वस्ति श्रीमद्‌ब्रम्हानिष्ठ जनवरिष्ट मुनिवसिष्ठ समादिष्ट स्वाभीष्ट परिचर्याविसृष्ठ ।
जन० :--- स्वस्ति श्रीमद्‌ब्रम्हानिष्ठ अग्रे ।
लक्ष्म० : --- उक्तं पूर्वं खलु ।
जन० :--- आयुष्मन् वर्षीयानस्मि संपालयानुगृहीतव्य: ॥
लक्ष्म० :--- वरं, ब्रम्हानिष्ठ हूं जनवरिष्ट हूं समादिष्ट हूं स्वाभीष्ट हूं परिचर्याविसृष्ट हूं ।
जन० :--- अग्रे ।
लक्ष्म० : --- उक्तं खलु ।
जन० :--- न श्रुतं मया ।
लक्ष्म० ॥ हंत मखशतकं विनैवानुभूयते वृद्धश्रवस्त्वं भवद्भि: ।
सर्वे :--- जहसु: ।
जन० :--- स्वयमेव लिखतु लक्ष्मण: ।
विश्वा० :--- कथं खलु आयुष्मन ।
लक्ष्म० : --- एतदेव आशासे ।
विश्वा० :---  अहो जरठ, लिखतु नाम स्वयमेवाऽसौ सौमित्रि: ॥ अहो किमवधि लेखनीयमेव भवद्भिरुपनेत्रवद्भि: ॥ न संति किल लेखाब्धिसेतव: कुलसंतानहेतव: केपि ।
लक्ष्म० : --- विज्ञापयिष्यामि श्रीमच्चारणान् (लक्ष्मण: सद्य: पत्रिकां विलिख्य वाचयतिस्म)