वेंकटेशाचें नीरांजन ध्यान

श्रीमच्छेषशैलवासं ॥ नीराजये श्रीनिवासं ॥ त्रातस्वपदपद्मदासं ॥ नीरदभव्यदिव्यभासं ॥धृ०॥
विभ्राणं शतरविप्रतिभटं ॥ हीरखचितचामीकर मुकुटं ॥ भृंगप्रभकुटिलालकजालं कुकुममृगमदतिलकितभालं ॥
भ्रूविभ्रमकृत कार्मुकजननं ॥ इंदीवरदलविशालनयनं ॥ तिळकुसुमप्रतिमोत्तमनासं ॥ बिंबविडंबनकृदधरभासं ॥
स्निग्धामलतलगडंमंडलं ॥ कर्णयुगार्पितमकरकुंडलं ॥ शारदचंद्रमनोहरबदनं ॥ कुंदसुंदरप्रभाग्ररदनं ॥ स्वजनानुग्रहसूचिमंदहासं ॥ नीराजये० ॥१॥
कंबुकंठमतिपीनस्कंध ॥ द्दग्गोचरजत्रुस्थळबंधं ॥ चंदनचर्चितविशालवाहं ॥ अभयवरादिदरायुधवाहं ॥ धृतकनकांगदकटकतोडरं ॥ विदलितहीरकणप्रतिनखरं ॥ श्रीवत्सश्रीत्द्ददयकपाटं ॥ विद्युत्पिंजरचित्रितशाटं ॥ उर:पीठलुठदुत्तरहारं ॥ त्रिवलिबंधुरिततुंदिलजठरं ॥ प्रपदचुंबिनवसुमनोमालं ॥ नाभिजातचतुराननबालं ॥ कटिसुघटित अतिपीतपटन्यासं ॥ नीरा० ॥२॥
सौरभलुभ्यभ्द्रमरकदंबं ॥ मणिश्रृंखलपरिरंभिनितंबं ॥ परमरुचिरपीवरोरुभंगं ॥ रम्यजानुमतिपेशलजंघं ॥ वलयकलितघनकनकतोडरं ॥ मंजुमंजुसिंजाननूपुरं ॥ मृदुलपार्ष्णिसरलांगुलिचरणं ॥ दुस्तरतरभवसागरतरणं ॥
विलसन्नखमणिपुण्यचंद्रिकं ॥ निरस्तविनतानादितंद्रिकं ॥ श्रीभूदेवीचमरवीजितं ॥ नारद - शुक -सनकादिपूजितं ॥ पंतविठ्ठलत्रासगुणग्रासं । नीराजये श्रीनिवासां ॥३॥

॥ इति वेंकटेश नीरांजनध्यानम्‌समाप्तम् ॥