TransLiteral Foundation
संस्कृत सूची|शास्त्रः|ज्योतिष शास्त्रः|वराहमिहीरस्य बृहत्संहिताः|
अध्याय ७५

बृहत्संहिताः - अध्याय ७५

’बृहत्संहिता’ ग्रंथात वास्तुविद्या, भवन निर्माण कला, वायुमंडळाची रचना, वृक्ष आयुर्वेद इ. विषय अंतर्भूत आहेत.


कान्दर्किकाध्यायः

रक्तेऽधिके स्त्री पुरुषः तु शुक्रे नपुंसकं शोणितशुक्रसाम्ये । यस्मादतः शुक्रविवृद्धिदानि निषेवितव्यानि रसायनानि ॥१॥

हर्म्यपृष्ठमुडुनाथरश्मयः सौत्पलं मधु मदालसा प्रिया । वल्लकी स्मरकथा रहः स्रजो वर्ग एष मदनस्य वागुरा ॥२॥

माक्षीकधातुमधुपारदलोहचूर्ण- पथ्याशिल्जतुघृतानि समानि ( जतुविडग्गघृतानि) योऽद्यात् । सैकानि विंशतिः अहानि जरान्वितोऽपि सोऽशीतिकोऽपि रमयत्यव्बलां युवा इव ॥३॥

क्षीरं शृतं यः कपिकच्छुमूलैः पिबेत् क्षयं स्त्रीषु न सोऽभ्युपैति । माषान् पयःसर्पिषि वा विपक्वान् षड्ग्रासमात्रांश्च पयोऽनुपानं ( अनुपानान्) ॥४॥

विदारिकायाः स्वरसेन चूर्णं मुहुर्मुहुः भावितशोषितं च । शृतेन दुग्धेन सशर्करेण पिबेत् स यस्य प्रमदाः प्रभूताः ॥५॥

धात्रीफलानां स्वरसेन चूर्णं सुभावितं क्षौद्रसिताज्ययुक्तम् । लीढ्वानु पीत्वा च पयोऽग्निशक्त्या कामं निकामं पुरुषो निषेवेत् ॥६॥

क्षीरेण बस्ताण्डयुजा शृतेन संप्लाव्य कामी बहुशस्तिलान् यः । सुशोषितान् अत्ति पयः पिबेच् ( पिबेत् पयः) च तस्याग्रतः किं चटकः करोति ॥७॥

माषसूपसहितेन सर्पिषा षष्टिकौदनमदन्ति ये नराः । क्षीरमपि अनु पिबन्ति तासु ते शर्वरीषु मदनेन ( मदने न) शेरते ॥८॥

तिलाश्वगन्धाकपिच्छुमूलैः विदारिकाषष्टिकपिष्टयोगः । आजेन पिष्टः पयसा घृतेन पक्वं ( पक्त्वा) भवेत्शुष्कलिकातिवृष्या ॥९॥

क्षीरेण वा गोक्षुरकौपयोगं विदारिकाकन्दकभक्षणं वा । कुर्वन् न सीदेद् यदि जीर्यतेऽस्य मन्दाग्निता चेदिदमत्र चूर्णम् ॥१०॥

साजमोदलवणा हरीतकी शृंगवेरसहिता च पिप्पली । मद्यतक्रतरलोष्णवारिभिश्चूर्णपानमुदराग्निदीपनम् ॥११॥

अत्यम्लतिक्तलवणानि कटूनि वाऽत्ति यः क्षारशाकबहुलानि ( क्षारशाकबहुलानि) च भोजनानि । दृक्षुक्रवीर्यरहितः स करोत्यनेकान् व्याजान् जरन्न् इव युवाऽपि अबलामवाप्य ॥१२॥

Translation - भाषांतर
N/A

References : N/A
Last Updated : 2012-01-16T20:51:34.7200000

Comments | अभिप्राय

Comments written here will be public after appropriate moderation.
Like us on Facebook to send us a private message.

KĪRTIMUKHA(कीर्तिमुख)

  • A Śiva gaṇa born out of the matted hair of Śiva with three faces, three tails, three legs and seven hands. The Lord at first asked him to live on corpses, but later on, in appreciation of his valour granted him the boon that if anyone saw the Lord without thinking first about Kīrtimukha, he would meet with his down-fall. [Padma Purāṇa, Uttara Khaṇḍa, Chapter 50]. 
RANDOM WORD

Did you know?

गणपतीची सोंड कोणत्या दिशेला वळली आहे, यावरून पूजाअर्चेचे कांही धर्मशास्त्र आहे काय?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,108
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 326,018
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.